السلام عليكم ورحمة الله وبركاته
اخوي خلف حياك الله
الامام احمد بن حنبل رحمه الله عذبه المعتصم وهو الحاكم بذاك الوقت وسجنه لكي يقول الامام احمد ان القران مخلوق .
القول بخلق القران كفر لان جميع مخلوق ناقص وان كان بالقران نقص او تحريف فهذا هو هدم الاسلام برمته .
القران كلام الله ومنزه عن النقص والزياده والتحريف والتاويل .
ومع ماجرا للامام احمد رحمه الله من المحنه الا انه كان يدعوا للمعتصم بالخير والصلاح واجتمعوا العامه على الامام وقالوا نخرج على المعتصم فنهاهم ودعا للمعتصم وسامحه وقال لو اخذ مالي ومنعني من الصلاة بالناس لفعلت والتزمت بيتي .
ولم ينقص للحاكم ولم يشتمه لا جهرا ولا خفيه ويدعوا له والحاكم على كفر صريح فاما انه جهل منه او لبدعه يريد ان يزرعها بالدين .
وحنا بوقت الرخا والامن والامان ننقم على علمائنا لانهم ما يتكلمون بالحكام ؟؟؟
طيب وش دراك انهم ما يناصحون الحكام ويخفونهم من الله ؟
يعني لازم تصير نصيحة الحكام رياء قدام العامه .
الشيخ بن باز رحمه الله يوم صار الغزو دخل على الشيخ جابر الله يرحمه بالطايف والملك فهد معه رحمه الله ونصحهم واغلظ عليهم بالكلام والنصح يقول اللي مرافق مع الشيخ اسمع صوت الشيخ من ورا الباب يقول والله اني حسبت ان الشيخ مهوب طالع لي .
وماعمرنا سمعنا الشيخ بن باز ولا الشيخ بن عثيمين ولا الالباني ولا السعدي رحمة الله عليهم ولا ولا ولا الخ انهم ينقصون من مشايخ مشهود لهم بالعلم وماعمرنا سمعنا لهم انهم يقولون بالحكام ويشتمونهم ويدعون عليهم او يحرضون العوام عليهم .
يا اخوان هذا امر عظيم ان كان الشعوب الخليجيه تعاني من فقر او غلاء معيشه او بطاله ترها تنعم بامن وامان واحسن من البلدان العربيه اللي حوالينا وهذي بس تكفي شوفوا العراق شوفوا سنه ايران اللي مايقدرون يصلون جماعه ومطهدين اشد اطهاد من اعتقالات وتعذيب وقتل ولا يقدرون يدرسون دينهم الصحيح نهج اهل السنه والجماعه ومساجدهم بدائيه في مناطقهم ولا لهم مسجد واحد في طهران .
وحنا في ديار رخا وامن وامان ونعيش احسن من غيرنا وننقم على علمائنا وحكامنا .