طالبك يالمعبود يالواحد الحي=ياجاعل ٍفاليوم ليل و نهارى
تحفظ ملكنا ادعيك والناس تدعي=اللي معاه الطيب من وين سارى
عبدالله اللي عن لظى الشمس كالفي=ظل ٍعلى شعبه سوات الستارى
صقر العروبه مروي الخصم بالكي=اسم ٍ على مسمى مهو مستعارى
كريم واكرم من كرم حاتم الطي=ولا اخذ المده دئما مستشارى
ابا امدحه منشان مدحه شرف لي=ومن شان اله قيمه وقدر او وقارى
في عهده الدوله بقى شكلها زي=روض ٍخضر فيه النفل والشقارى
لبس سنام المجد بالماس واحلي=وخلا الوفا والعز قدمه شعارى
اللي قبل نقال من حي في حي=من شان يمنح بيت صدر قرارى
واللي منول راتبه قدره اشوي=زاده وزاد الاغنيا والفقارى
وغزه وقف معها وهي حالها سي=وارسل لها الاموال عدة امرارى
وهذاه شي ومن فعوله مهو شي=ما ينحصى فعله ولا ينتجارى
أخوكم الدائم : عناد الشيباني
آخر تعديل عناد الشيباني يوم 16-Nov-2010 في 09:44 PM.