يامكثر اصحاب من عنده ملاييني=وراه موكب وقدمه ناس دوريه
اثيابهم كنها وضح الشيابيني=من وضح فنجال بن سلطان منقيه
وبشوتهم كنها بشوت السلاطيني=والثوب بالدين والا البشت عاريه
الياجلس جّلسو مثل الكراوييني=وفاعراض الاجواد دايم نارهم حيه
ولياوقف نّهضو قدمه خفيفيني=كل ٍ يبا في عيون الشيخ مازيه
شيخ الدراهم وشيخ المذهب الشيني=ماهوب شيخ الفعول وحامي الهيه
لويطلبونه من فلوسه رياليني=عذره طلبكم ماهو حاجه ظروريه
يروح وجهه على ماقيل لونيني=بعد الرضاء ترجع اخلاقه تجاريه
والصحبه اللي بدايتها بوجهيني=صحبة رخاء ماتعدا رايق الفّيه
الحمدلله رب البيت مغنيني=مغنيني الله عن الاشكال هاذيه
صديقي اللي على الشده مصافيني=ماهو صديق المصالح والرفاهيه
صحل لساااانك يا ابو نهاااااار بيض الله وجهك