خلف المطيري
ياسلامي سلامن يتعب الاسعاف = كل لحظه تشيل امّن الرجال اثنين
يا كبير المعرفه نبّه العراف = لاتحط الحسن خلف الصغير حسين
معجب العتيبي
ياخلف مرحبابك والسنين عجاف=لكن الله عطانا العز والتمكين
دام عرّاف والله مايجيك خلاف=طبعنا مانحط الشين قبل الزين
خلف المطيري
البقا والمصيبه ناقص الاوصاف = حسّبي الله علي اللي حاكمين العين
اغرفوله صحن في غفلة الغراف = وانتفخ لين جاله يالحبيب ابطين
معجب العتيبي
ماسمعنابه وفي هالبلد ماطاف=يمكن يعيش فالجهرا الى هالحين
ياخلف كان مثله حولكم ينشاف=اطلب الله يعافيكم من المبلين
خلف المطيري
ماعلينا من اللي يقلب الاهداف = والله انه في نجد امقابل الضيرين
لو تدفه قدم يرجع عليك اخلاف = منتهي ماله الا السيف ابو حدين
معجب العتيبي
لو يقولون ناجي كثّر الاحلاف=ياخلف مايضرك لو يضر الدين
ياخلف مثل هذا فالبد ينعاف=مارضينا ولااصنك من الراضين
خلف المطيري
حلفنا يقنعك ويّحقق الانصاف =اقتنع لاتحط الزين عند الشين
علمه قبّل يقطع راسه السياف = مابقا صبر عنده ياكريم العين
معجب العتيبي
حلفكم ياخلف بين الرجال خفاف=والدليل انهم يبغونها صفين
قلتها بينه لو الكلام الجاف=يتعب الناس ويجنب هل القلبين