اقتباس:
المشاركة الأصلية كتبت بواسطة ابوعبدالله الحربي
السلام عليكم ورحمة الله وبركاتة
الله يسعد أوقاتكم بكل خير
هذه أول مشاركة لي بهذا المنتدى الرائع قصيدة تعبر عن نفسها
سـلـط عـلى الجـوال في بعض الاحيـان **** مثل الـردي اللي يـخـلي خـويـــه
ليا بغيته وأ نت محـرج وعــــجــلا ن **** بارضن خلا في سهله جـرهديــــــه
يطـلـع عـلى الشـاشه تعـذر وخـــذلان **** ينبيك عن وضع الـبروج الرديــــه
وأعـوذ بالـرحــمـن من كــل شـيطـان **** والـمـوقف اللي مثل ســيف المنيه
بين الظــما والجـوع والذيب سرحـان **** يـوم الـمـصـيـبـه حـولـت بالمطــيه
بعـض المواقــف ماتصـور بالاذهــان **** امقــدره باقــــدار رب الـبـريــــــــه
لاهـاتـف يرسـل ولا حــس عـربــــان **** غـيـر الـخـــلا يدوي عـليه دويــــه
والجـيـب جــاثم في محـله وعـطــلان **** والجـــو حــامي ويـتـزايـد لــظــيـه
وقـفـت لا قــوه ولا حـيــل حـيـــــران **** مـسـتـسـلـمـا لـظــروفـي الـعنجهيه
ماهــو خـيـال يـنسـجه حس فنــــــان **** هــذا الصـحـيـح وقـصــتي واقـعـيه
لـولا الرجــا بالله وســلاح الايـمــــان **** كــان أنـصـدم وانـهـارت الـمـعنويه
والله فـزعـلـي في ريـاجـيل عتبـــــان **** يــدورون الـصـيـد بـارضن خـلـيـه
قـالـو وش الي صـارلك قـلـت بلـشان **** والـجـهـد غـلـق مـا بـقـا لــه بقـيه
قالـو لي أبشر بالسعد والـفـرج حـان **** شـفـت الـوفــا بـوجــيـهم والحميه
فيهم على الفزعه ضرم راس ظرمان **** يـازيـن فــزعــات الرجــال الـوفـيه
وعلى يـديـهـم هــان ما كـان صعبــان **** تـبـدلــت ظـيـقــات وقـتـي سـعـــيه
عتيبه الهــــيلا على مـــــــر الازمان **** في وقـتـنـا الـحــاضــر وبالـجاهليه
رجالهم دايــم على الطـيـب شـفــــقان **** لــطــامـت الـعـايــل هــل الشاذليه
من دون قـاصـر بالـقـبـايل ونقصان **** قــدام لا تــكــتــب عــلـيـه خـطــيه
الـخـيـر بالاجـواد في كــل الاوطــــان **** أنا أعــرف الـلـي لـي واللي عـلـيه
الطيب جـمـن يــارده كــل عــطـشان **** ولا تــاصـلـه غـير الـحـبال الرهـيه
عـبـرت عـن مـاصار من قلب ولسان **** بـحـروف شـعـر مـنـتـقـيـهـا نقيـه
ما يـجـحـد المـعـروف ياكـود جـابـان **** والا الـلـئـيـم اللي عـلومه خزيـه
الـيـا شرى خسران وانباع خـسران **** لا جـايـبن حــسـنـه ولا زال سـيـه
ما يـنـحـسـب له بالمـيـادين حـسـبان **** لا جـايـبــن هـــــاذي ولا زال ذيـــه
الشاعر / سالم بن صويلح الحربي |
الأخ الشاعر
سالم بن صويلح الحربي
صح لسانك وبيض الله وجهك يالشبابي
العتبان قاموا بالواجب اللي يمليه عليهم الدين أولاً والنخوه المتوارثه عن الآباء والأجداد ثانياً
إلى نخيت العتيبي أبشر بعزَك من دون قصور في بقية القبائل
هذا فضلاً من الله والحمد والشكر له
قصيدتك إن دلَت على شيء فإنما تدل على وفاك وطيب معدنك ياأبو عبدالله
تحياتي
| التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |