[عبدالله المطرفي الهذلي]

المشاركة الأصلية كتبت بواسطة الثاقب

بغض النظر ياعبدالله هل العين او السحر والعياذ بالله من فلان او علان المشكلة في الفكرة المطروحة على انها سبب اعتزال عبدالله للمحاورة

لو كان مسحور والعياذ بالله ماحد بساحره علشانه شاعر لان المملكة شعارها مالهم حكر فيه افضل منه وفيه على مستواه وفيه اقل منه مستوى وهذا شي طبيعي اذا مسحور لاسباب خارجة عن الشعر الله اعلم ومانقول غير حسبنا الله ونعم الوكيل

ولونها عين وش الميزة في عبدالله عن غيره لهوب صغير سن وعنده هالموهبة ولاهوب ذا جمال رباني يبهر الناس بجماله الا انه جاب في هاك الحفلة بيوت في عمر التاريخ كله ماجابها شاعر غيره في هالحالة مالنا غير نشوف هاك الطاروق وبعدين نحكم

الرجل قد يكون مثل شليويح بن شلاح او ميشع العضياني او ابومشعاب اوغيرهم من شعراء المحاورة فضل الاعتزال والابتعاد وقضا باقي حياته في اشغاله الشخصية

او الرجل عنده ظروف صحية ماتساعده يسهر ويتعب نفسه في التفكير وكثرة الروحات والجيات هنا نقول هالاعذار منطقية


لكن مسالة مسحور او صايبته عين علشانه شاعر فقط هذي ماتنطلي على العقول السليمة

يا أخي الكريم المسألة هو أفضل شاعر ولا أقل شاعر ولاهو شرط الأفضل يصاب بالعين بضرب لك مثال بعض الناس عنده بكره قيمتها مئتين ألف وتصاب بالعين وتمرض وتموت وبعض الناس عنده بكار على مليون ولا يجيها شئ فهمت قصدي يالغالي .

ثانياً بعض الناس يعجب بشاعر وبطرح لك مثال (((مستور القصير))) يرحمه الله ماكان يسمع في عبدالله المطرفي وأقسم لك بالله العظيم أنه كان يجيبه لحفلات السوطه بالقوه حتى لو كان مايبونه ويبون واحد غيره لازم يجيبه وويكون طرف في الحفله كان يقول هذا شاعر ماله مثيل ولو استمر كان علوم وإذا كان عندك شك أسأل ابنه محمد .

الرجل يالثاقب اعتزل بسبب المحاورة وعندك حفلة طويرق وآخر 4 حفلات وحفلات قبلها وكذلك الحفله اللي كانت عند عبيدالله القارحي حضر المطرفي ولم يستطيع دخول الحفله ووقف عند سيارته وكتب القصيده على طول اعتذار لأهل الحفل مع أنهم شايفين بعيونهم ماحصل له وهذي القصيده وردها

سلام الله سلام المسلمين السادة الأطهار *** سلام المسلمين اللي صلاة الله تصليها

سلام لا يسيح ولا يطيح ولا عليه اغبار *** عليه أغصان ريح الورد زارعها و مسقيها

أقوله للصحيب اللي عزمنا للفرح شعار *** وجا دون العلوم اعلوم مبغى الناس توحيها

وانا والله لا جاهل ولا خاين ولا غدار *** ولا أحب العلوم اللي تسود وجه راعيها

هذيلي من هذيل أهل الثلاث البيض وأهل الدار *** لنا ماضي وحاضر والرجال اتعرف ماضيها

ليا أخطا واحد منا وقع همه ونومه طار *** ويشهد فوق نفسه بالسواة اللي يسويها

وهذا ما يحز بخاطري ويزيد ناري نار *** وطيت النار وأثر النار تحرق رجل واطيها

وقول الغلطة اللي من سواني مالها معذار **** .................................................. .

ونجما في السما يمشي عما تومي به الأقدار *** ورجلين المها ما تدري الله وين مغديها

تدور ابها الليالي في فلكها والفلك دوار *** معذر في الحياة وعايف أولها وتاليها

جراله ما جراله مير ما هو بايح الأسرار *** يشوف الناس قامت للعلوم تقر أذانيها

أحد يقرا جريدةوأحد يسمع نشرة الأخبار *** عصاه يصيبها ويجيبها للي يوديها

وانا شاقي وباقي وأعرف الدنيا حلو وامرار *** وانا إلى ذقت منها مرها ماذقت منها حاليها

ألا يالله يارب الملا الواحد القهار *** متى نرتاح والأجراح تلقى من يداويها

وقول أسلم وسلم وان بغيت الحق في اللي صار *** تراني مستعد وحكمت(ن)ترضيك راضيها


ثم أنابو عطاالله القارحي الهذلي بالرد عليه


على سنة رسول الله على دين النبي المختار *** على سلم العرب يا مرحبا وازيد واثنيها

تحية غالية متتالية ما دونها عذار *** تحية ماتقدم غير للي الطيب حاويها

تقدم لك ياعبدالله وتبقا للزمن تذكار *** عليها من عبير الياسمين وعطرها فيها

وانا أدري انك تعرف المخطية والقدر والمقدار *** وفيه علوم تاخذها وفيه علوم تعطيها

وحنا وان شكينا نشتكي من كثرة التكرار *** صبرنا والصبر زل العشر ما أدري حراويها

يا عبدالله هذيل اليوم يمك لدت الأنظار *** بدون اقصورفي الشعار قاصيها ودانيها

نفوس هذيل ضاقت والخواطر زايدت أكدار *** وربعك نارهم خير لك من جنة معاديها

فقدنا في الزمان اللي مضى نورا من الأنوار *** وتالي الوقت دنيانا بلتنا من بلاويها

خذت منا جنيه أصلي بعد قرت الأسعار *** حكم كل الصيارف حكم بايعها وشاريها

وانا عندي خبر في التاجر اللي حارب التجار *** وجاته من جنوبه غدر شي منها وشي فيها

ولا تخضع ولا تنس تقوى لو زمانك جار *** الاستسلام ماهو طبع نفس الله مقويها

ولا تعذر من الدنيا ولو بدلت دار بدار *** ترى ما بعد عسرات الدروب إلا مباديها

ولو تكبر تراها في عيون القادرين اصغار *** ولو تصعب نهونها ولو شبت نطفيها

ترانا في يمينك مثل حد القاطع البتار *** نعينك والمعين الله وبذن الله نسويها

واقول العذر يكفي منك لا ثاير ولا ثوار *** ولك مني حماية قبل تاصل عند قاضيها