[الثاقب]

المشاركة الأصلية كتبت بواسطة عبدالله المطرفي الهذلي

أولاً أتمنى ان لاتفهمون كلامي خطأ هو صحيح أنه يامسحور أو مصاب بعين لكن لم أقل من احد شعراء عتيبه والدليل أن وضعت علامة تعجب على من يقول هالكلام

أخي الثاقب من ناحية الطاروق بالتحديد أو أي حفلة لا أعلم لكنها من زمان يعني اللي أعرفه أنه انقطع بعد ذلك رجع وبعد ذلك انقطع ثم رجع وآخر رجوع له عام 1419 هـ ولعب 4 حفلات فقط وكان يريد أن يتخلص منها بقدر مايستطيع واللي يعرف آخر 4 حفلات له يدرك أنه يلعب ومنظره غريب وليس له نفس باللعب ومنها حفلة طفيل التي تعرض على قناة الساحه .

بغض النظر ياعبدالله هل العين او السحر والعياذ بالله من فلان او علان المشكلة في الفكرة المطروحة على انها سبب اعتزال عبدالله للمحاورة

لو كان مسحور والعياذ بالله ماحد بساحره علشانه شاعر لان المملكة شعارها مالهم حكر فيه افضل منه وفيه على مستواه وفيه اقل منه مستوى وهذا شي طبيعي اذا مسحور لاسباب خارجة عن الشعر الله اعلم ومانقول غير حسبنا الله ونعم الوكيل

ولونها عين وش الميزة في عبدالله عن غيره لهوب صغير سن وعنده هالموهبة ولاهوب ذا جمال رباني يبهر الناس بجماله الا انه جاب في هاك الحفلة بيوت في عمر التاريخ كله ماجابها شاعر غيره في هالحالة مالنا غير نشوف هاك الطاروق وبعدين نحكم

الرجل قد يكون مثل شليويح بن شلاح او ميشع العضياني او ابومشعاب اوغيرهم من شعراء المحاورة فضل الاعتزال والابتعاد وقضا باقي حياته في اشغاله الشخصية

او الرجل عنده ظروف صحية ماتساعده يسهر ويتعب نفسه في التفكير وكثرة الروحات والجيات هنا نقول هالاعذار منطقية


لكن مسالة مسحور او صايبته عين علشانه شاعر فقط هذي ماتنطلي على العقول السليمة

آخر تعديل الثاقب يوم 31-Oct-2010 في 01:37 PM.