هذي قصيدة للشاعر الملقب بشاعر الموتى
اترككم مع القصيدة
مرت سنة وتزيدها سبعة شهور = سبحانه الله شوف كيف الزمن دار
أصبر عن أمي كنه أزمان ودهور =ماني مصدق كيف لكنه أقدار
يالله صبر قلب ضامي ومقهور = ومن شوفها ياناس حالته الأقدار
مرحوم ياللي مات واليوم مقبور = مرحوم وأدعيلك بكثرة وتكرار
يالله تجعل قبرها ورود وزهور = وتسقي ترابة من مخابيل الأمطار
وبقبرها يالله تجعل لها نور = وبجنة الفردوس تجعل لها دار
وعزي لمن مثلي طفى عنه النور = تايه بظلمه بين عجات وغبار
كل ما سلى بذكرها نوبات ومرور =ولامن نسى دنياه ورته الأعبار
والدمع من عينه على الخد منثور =ومنهو يلومه جعل يبلى بالأمرار
أسلى مع العالم ولاني بمسرور = والناس تنظر لي بهيبه وتحتار
قالوا نساها عقب مرتبه وشهور = راحت نساها ولا تطري بالأفكار
لا شك مايدرون فكري بها يدور = وقلبي من الفرقى حزينن وصبار
ولضحكتي ماني بملزم ومجبور = ولدمعتي ياناس ماعندي أعذار
والديره اللي عشت فيها من الجور = شديت منها لجل مالي بها دار
تحياتي لكم...