[المرواني1]

اعذب الشـــعر ...
هو وصف لحالة من الروح يرسمها الخيال ويؤطرها الجمال
او لوحة من الواقع يتقن تفاصيلها العقل
ويتلبسها الاخرون لانها صادقه وشفافه
وهنا الوصف والجزاله والشعر :ـ

جديد الشاعر :ـ
لافي بن حمود الغيـداني

الله على اللي بعيداتٍ مراميسه=الياتساوى الطريق وعد طبلونه
اشهب بدي فوق كبوته قراطيسه=ماطب بين الشريطيه يسومونه
شــاص وكيله ضمن جودة مقاييسه=امحركاته ثمان سنين مضمونه
يستاهل اللي يحط الرجل من كيسه=لو حط به ماوراه وحط مادونه
ياكثر عشاقه الله يلعن ابليسه!!=ثلثين شعب الخليج اللي يحبونه
غاية طلب واحدٍ كثرت هواجيسه=تسرحه نوب قبل الفجر وحتونه
يازين ممشاه في جوٍ (عواسيسه)=يمه دبشهم من البكره يسوقونه
عليه عودٍ مشيبةٍ قرانيسه=عوارضه حمر واشماغه على امتونه
عودٍ لامن القشر شبت مقابيسه=ينوخ اللي ماينوخ بحاجونه
يمشي ورى ذودٍ اطوالٍ نسانيسه=من طيب ذوده مالوم اللي يحسدونه
وضحٍ تطير عن الخاطر عواميسه=تجيلها حروة التسعين مزيـــونه !
لياندبها بصوتٍ ... وارجعت قيسه=تهنفل ابكارها مع دربها لـــونه
تهنفل اللي لها يومين عريسه=على ولد تاجرٍ ماحسَــب ديونه
صارت على ذمته مثل البرنسيسه=زودٍ على راس ماله فيه مفتونه
مافكرت بالزمان وفي متاعيسه=يســـاوي أعيونها ... وتساوي أعيونه