قصيدة متواضعه
"
اقدمها لكم يااعضاء منتدى الهيلا
لاضقت من دنياي سجيت رجلي=في ديرة(ن) يجلا هواها همومي
واقفيت من دار المطافيق عجلي=اللي على المقفي تشن الهجومي
ناسن من الله دائما ماتخجلي=ولا ينفعون بشي وقت اللزومي
لاجيت ناخيها تجيب الحججلي=وانا بعد ماشكي لكل الرخومي
لن الردي ماهو مضحي من اجلي=الاش يبقى لاش كب العلومي
وانكان ربي من هذولا فرجلي=انا اشهد اني وقت عال الرجومي
وانا بقول وفكري اللي نسجلي=ثلاث امور وحسب عرفي تدومي
الدين مع راعيه مهوب يجلي=مرافقه لين القيامه تقومي
والطيب لو راعيه قد جاه الاجلي =يبقى مابين الناس دوم محشومي
والخوه اللي صدق مهيب دجلي=مع الرجال الطيبين القرومي
هاذي ثلاث ولجلها سقت رجلي=وان فاتت الرجال صار محرومي
اخوكم/عناد الشيباني