عبدالله عتقان
مرحبا بالصاحب اللي صحبته محفوفه=بالمخاطر والمخاطر ماحد(ن) يبغاها
صاحبي معتق يغامر وابتلش بظروفه=لو يسوي له مصيبة قال ما سواها
معتق العياضي
البقا بالصاحب اللي قام يظهر خوفه=من نطق كلمه على وضح النقا يحماها
صاحبك معتق يا ويلك تنكر لمعروفه=يوم حدتك السباع اللي تلج عوها
عبدالله عتقان
خطتي وسط الصميم وخطتك مكشوفه=والغلط وشلون تعلن قبل تبداها
قصر في بغداد والثاني بوسط الكوفه=بلغ اهل الغرب لا تقدر ولا يمداها
معتق العياضي
انت معروف وتحارب عالم(ن) معروفه=ما يحس الجمرة إلاّ واحداً ياطاها
صاحبي شفناه بالحنى يخضب كفوفه=يوم شاف ام الكباير زودت حناها
عبدالله عتقان
كل واحد لجل عبدالله يحد اسيوفه=يشغل الدنيا من ادناها إلين اقصاها
نظرة (ن) مني تخلي حالته مأسوفه=لو بعضهم يقبل النظره ولا يسواها
معتق العيا ضي
اسم عبدالله ما يفجعنا و سبع حروفه=وان حذفنا اربع حروف الناس وش تقراها
انت لو تنظر تشوف اللي سليم تشوفه=ديرتك خضراء وسيعة والدباء يرعاها
عبدالله عتقان
أنت ثوبك صوف والموت الحمر في صوفه=أسفل الدنيا متى تضحـك لوجـه أعلاهـا
عمك اللي شكل قدره مـا يسـد ضيوفـه=وش تقول إن كثروا ضيوفـه ولا عشاهـا
معتق العياضي
مشكلة لا شفت لك واثق يهز كتوفه=وأن نصحته قال (حر ) وكلمتك ما ابغاها
شفت عبدالله يدس العملة المصروفة=كان راسي حي ياالسلمان غير القاها