الليله الليله الليله نبا الطاروق طرقٍ غريب= مثل الدراهم الى قاموا صيارفها يعدونها
والله ما ادري يطيب لسيدي والا ما يطيب=ان كان ما ناسبت لك يا سنادي جزت من دونها
الليله الليله الليله شواريبٍ تحد الشريب=والاجنبيه الى وردت على المارد يحدونها
ياذيب ياذيب ياللي جر صوته في علو الشذيب= ذكرت عيني وهلت واهملت من عقب مظنونها
عندي خبر بك جروحٍ ما يسر بها علاج الطبيب= مير انحروا روضة التنهات ساكنها يداوونها
من قال ابا اصبر وابا اكنا الجرح لين انه يجيه العزيب=يصير بين الرجا والياس باعوها ويشرونها
ما نيب زملٍ عليها من بعيد ولا قريبٍ طنيب= يا عسرها وانت تحسبها ولو صديت يا هونها
تراي لو صرت عنه ابعيد مرجاعي عليهم قريب= والديره اللي نحل ابها عدانا ما يحلونها