[وصل الشهيب]

المشاركة الأصلية كتبت بواسطة الشاعر فهد رحيم النفيعي

شاعر وقصاد

الفرق واضح بين شاعر وقصاد = أنشد بدر وابن السديري وهذال
اللي لهم فالشعر والعرف ميعاد = صاغوا بيوت الشعر في زين الأمثال
منهاجهم معروف في صبر وركاد = كم بيت منهم تسمعه يشرح البال
صعبٍ تملّ البيت لو كان ينعاد = في كل مرة ينذكر قلت لازال
دون لنا الأفعال والنور يزداد = ( ولو كل ما نسمع نحطه على البال )
زانت بيوت الشعر والنور ينقاد = ( بفعالنا نرسم دروبٍ للأجيال )
شعر الوطن محسوب في كل الأفراد = (لقيت بالوحدة سكون وسعة بال)
نماذجٍ تفوح بالفل و الكاد = ارموز من تنسى على مر الأجيال
هذا شعر يذكر على روس الأشهاد = جيلٍ بعد جيلٍ ولشعر منزال
كم من دواوينٍ وللشعر ميراد = هاجوس من شاعر على طيب الأفعال

هذه القصيدة ذكرت فيها رموز من رموز الشعر وهم كثر و أدخلت في قصيدتي صدر من بيت لكل شاعر منهم على النحو التالي :

(بدر بن عواد الحويفي )
لو كل من نسمع نحطه على البال = كان الهروج العوج بذت خفانا

(محمد السديري )
بفعالنا نرسم دروبٍ للأجيال = اليا نساها غيرنا من نسينا

( خلف بن هذال )
لقيت في الوحدة سكون وسعة بال = بعيد ما عندي من الهم طاري





بقلم / فهد رحيم النفيعي[/center]

الأخ الشاعر

فهد رحيم النفيعي

صح لسانك

يعطيك العافيه على هالمشاركات المشرفه

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي