رعد الروقي
السميري طلع دكتور فالألغاز=جـــــــرته ما تشاف الا بنظاره
مير لو بالشخط مريت راع الغاز=راح عمره ضحيه في وسط ناره
ماجد السميري
السميري يجيد الرمي ما يعتاز=جعل والله منت بقدمه الشاره
المعوّق كسير ويلزمه معكاز=لو تجبّره ما فادت به جباره
رعد الروقي
ودنا تفتي العربان يابن باز=فالقنووات من تاره ليا تاره
لا تصحح وتعطي نجمه وممتاز=نجز اللي وصلك بشره وخاره
ماجد السميري
خدمة الدين والدوله هي الانجاز=والمشاغل تهيم الرجل عن داره
عسكريٍ ذكي ما يحتر الايعاز=قادها للعدو من حكمة اشواره
رعد الروقي
ما وصل مذهبك طهران والاهواز=عندهم صــــوت نواحه وزواره
وش تخير من التفصيل والإيجاز=درب واحد من الاثنين ما غاره
ماجد السميري
وش نسوي مع الشيعه وحنا عزاز=عندهم بغض للسّني ولفكاره
ما يداو الجروح الغامضه خراز=علّم اللي فتح مسنوصف الحاره
رعد الروقي
قول معروف..والا ضربة استفزاز=تخلف المعتدي وتضيع ابصاره
الوساده مكبرها ترى ما فـــــاز=يحسب الناس تقبل كثرة اعذاره
ماجد السميري
كلمة الحق تبقى مثل نور الغاز=قولها يختلف عن قولة الباره
حسب ما قد درست بسيرة الاعجاز=سد مارب مطيحه سبة الفاره