خالد الروقي
يامعجب مرحبا بك عد ما ذعذع هبوب النود=تراحيبٍ تسرك يالعتيبي وانت راعيها
اشوف القوم يامعجب تخالط بيضها والسود=انا ابنشدك عن وسط الجزيره من سكن فيها
معجب العتيبي
يدوم الك البقى ياللي ترحب في محل الجود=محل عتيبه الهيلا عسى ربي يقويها
تشوف القوم لكن لاتناظر في قليل الفود=وخل العين فاللي جابها بالسيف حاميها
خالد الروقي
اشوف الديره اللي تجمع الصاحي مع المقرود=ترا جساس مايرضى المهونه كان راضيها
قليل الفود وش جابه معي فالماقف المشهود=يامعجب مشكله لن كان حاميها حراميها
معجب العتيبي
بلد واكثر بلاد الله بها اللي قلتلي موجود=شريعه فالحياه ولانت جاهلها وناسيها
انا ناصح ولااعطيتك نصيحه لاتجي مشدود=وهرجتنا حقيقه لاتخمخمها وتخطيها
خالد الروقي
بلدنا غير هالبلدان والله ينصر ال سعود=بنو فشهار فله للمجنن منت غاويها
بذلت الجهد يامعجب وغيرك يبذلون جهود=وهرجتنا تعل كبود وكبودٍ تداويها
معجب العتيبي
والا ياقو تاريخٍ ذكرته يشهد المعبود=حكايه طيب حظك يوم قالوا عنك راويها
والاياصحابنا الغالين والله ماعليكم زود=عيونٍ ماتشوف اللي تشوفه ويش معميها؟