قصيدة للشاعر سليمان الهويدي رحمه الله
وهي تعتبر من القصائد المشهورة في الكويت
صاحبي يلبس البرقع ماهي عادة له = مير اخذ سلم جيرانه وصارت طبيعه
مثل من قال لاجيت الوطن خذ دله = اتبع الناس وان ماطاعك الوقت طيعه
هيه ياللي مكلفكم على برقع له = وسعو قرضته ترى عيونه وسيعه
فصلو له حرير ناعم مايمله = حيث بشرة خدوده بالتأثر سريعه
صاحبي لاهرج تشفق على هرجتله = من حلاوة كلامه كن هرجه يبيعه
ويوم اشوف المحاجر والرموش المظله = وعاتقن كنه رقبة الغزال الرفيعه
ياصلآة النبي وش جمع الزين كله = لو بحليه كنه بالاصايل طليعه
كامل زينه الصافي وهي تستغله = بالعقل والاانوثه والمحاسن فظيعه
عيني الي على شوفه ودود مغله = ماغفى جفنها تمسي وتصبح فجيعه
| التوقيع |
قال الشافعي رحمه الله: أركان الرجولة أربع: الديانة والأمانة والصيانة والرزانة.
قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.
اللهم أنصر من نصر الدين وأخذل من خذل الدين |