بنشدك ياغلى الناس عن بعض الايام
اللي مضت وش صار لك وش جرا لك
بنشدك طرفـك ساهـرٍ مابعـد نـام
واللا رقدت وصاحبك مـا طـرا لـك
بنشدك طير الشوق في جوكـم حـام
واللا مـن المحبـوب مرتـاح بالـك
حكمك علي يا منيتـي حكـم صـدام
المتبـع هالـك وعاصـيـه هـالـك
ارسلت بعيونك علـى قلبـي سهـام
واسكت واقول القلب اصـلا حلالـك
لكن "تجافينـي" تـرا الـراي هـدام
لـن للوفـا ميـزه وبينتهـا لــك
لاتصير مثل اللي يصلـي ولا صـام
يتعب ويـوم الديـن ماهـو بساالـك
خلك معي وابشر لك بعـون وحـزام
ياقـاك بعـد الله شــر المهـالـك
وسلامتكم