بدر العضياني
يا مرحبا ياللي على الطيب منشاك=يالشاعر المغمور راع الجزاله
براك لا جات المواقيف براك=ياجب جوابه حين نسمع سواله
براك العتيبي
الله يبارك فيك و يسدد خطاك=يالشاعر اللي ماندور بداله
ماهي غريبه عند مثلك و شرواك=كلن يبّرك للحموله جماله
بدر العضياني
براك لا تصبح ضحية ليمناك=ما كل من يكتب يصدق مقاله
تدور الاخبار وتشيل ماجاك=ونقل الحكي يصبح على الرجل عاله
براك العتيبي
ماني بنقبال الحكي لا عدمناك=مير إلعن الشيطان وإلعن عياله
ماجيتك الا مع دروبك و ممشاك=تبا تسوي لك فالاعلام هاله
بدر العضياني
يمكن مع الجهال سيرت رجلاك=وعطوك علم .. وقلت عندي دلاله
إليا بغيت إعلام ماجيتك انخاك=اعلامي بفعلي وفعل الجزاله
براك العتيبي
أنا أدري إنك ظفر تفتكك يداك=بس الخطا وش دخلك في مجاله
ماني بقايل ليش تصلح مع عداك=أقول بعض الهرج مالك و ماله
بدر العضياني
العيب تشتال الكوايا بعلباك=ماهوب عيب إنك تضد الحثاله
و آخر كلامي جعل الانذال تفداك=ولا عاد تسمع كل قوال قاله
بدر الابداع
وبراك الجزاله
صحة الالسن
والقلوب
استمتعنا بالطاروق