[متابع هنا وهناك]

الله يعافيكم جميعا سواء كنتو مع المحاوره والا مع الشعير :d


الصراحه ابي رايكم بالمحاوره وتحليل معناها :



سفر الدغيلبي
يا سلامن (سلام) ما تحدد حدوده /// اخذن للدير تصريح وامره سماوي
ان بغينا نحفر العد كثروا وروده /// وان بغينا نهدم العد صارت البلاوي

محمد السناني
مرحبا والسلام ان كان زايد نزوده /// مير اظن (السلام) انظام حسب الفتاوي
انت همك دمار البير والا وجوده /// علم المفتي القرقاح ويش انت ناوي

سفر الدغيلبي
كل ليله وابن متروك يحشد جنوده /// ما درى ان الرجال اجبال والذيب عاوي
هم صاحبك ما بين الدقايق يروده /// لاقين له نجوم ما لقاها الخلاوي

محمد السناني
خمس واربع ليالي محدده ومعدوده /// ابشر انك وقعت امخلفين الهقاوي
راس بو زيد قاسي ما تبيح سدوده /// روح وانثر دموعك عن قبر العطاوي

سفر الدغيلبي
السناني نعرفه والحيل ما تكوده /// ما يكب الحيل حتى يطيح متساوي
كان تبغى العرين الي تضارس وسوده /// ما تهم الاسد لو كنت حرن نداوي

محمد السناني
السناني لقى فالربع بيضه وسوده // جرح فاتح ولا حصل دواه المداوي
العرين انهدم والبيت كسر عموده /// مير خذلك شراب وزاد لا جيت ضاوي

سفر
يا رجل حرك اعصابك وكب البروده /// ثم ما ابغاك تجفل لاسمعت العزاوي
قبح الله رجل ما تقادح زنوده /// واطلق الله يدينه من جميع العراوي

محمد السناني
كان جيشك تحرك وانت اللي تقوده /// والله اني على مركاي ادن الحداوي