إبراهيم الجذع=
يا المشرفين اللي على قسم الأدب=الفعل في وسط الجمل كيف اعربه
تـرا المجامـل فـعـل وابلـيـا سـبـب=يضـر بعـض النـاس لـو مـا ينتبـه
سعوود العصيمي =
كل ٍ يبـا يكتـب ويقـرا ماكتـب=والفعل حسب النوع حله واكتبه!!!
نبا نواجه مـن يسـدون الطلـب=واللي ما يوفي فالطلب مانحسبه!!!
إبراهيم الجذع=
حنا عرب نمشي على سلم العرب=واللـي يخالـف سلمنـا مـا نرغـبـه
عندي علـى تقييمكـم لـوم وعتـب=كم شاعـرٍ شعـره يخالـف منصبـه
سعوود العصيمي =
مايأخذ الانسان رزق ٍ مانكتـب=واللي رزقه الله برزق ٍ جاه ابه؟؟
ماني بجاهل فالنحاس من الذهب=واكيد ابو نايف مجهز مكتبـه!!
إبراهيم الجذع=
اشوف ناسٍ نسبت بأعلى النسب=لا تضلمـون اللـي عريـبٍ منسبـه
حنا ليا جا الضيف يبشر بالشبب=والضيف دايم تحت حكـم معزبـه
سعوود العصيمي =
مانسب الاّ من يفتّل فالشنب = الداب الاسود مايواز العقربه.؟
حنا نشب النار وانزيد الحطب = واللي يخالف عن طريقه ندّبه!!!
إبراهيم الجذع=
من يمشي امن احريملا يبغا القصب=الـخـط عــن ثــادق يوطـيـه ارغـبــه
وقـت المواقـف ريحـوا فـوق الكنـب=أطلـق شنـب مـن فعلنـا رف اشنـبـه
سعوود العصيمي =
نبا نفوز ابها رضى والاّ غصب = اطلق شنب وقت اللزوم انصلبه!!!
اتقولها وقول حامض ياعنب = علم الجذع على الجذع يامصعبه!!!
إبراهيم الجذع=
أن قلتها من غيض والا مـن طـرب=يا اللي تسل السيف سيفك واسر به
يا سعود من ياكل من التمره شـرب=والبـحـر قـدمـك بلـطـه والا اشـربـه
سعوود العصيمي =
نبي نقص الراس ويموت الذنـب=ماسل سيفي غير اقص ابه ارقبه!!
مااشوف ماء يشرب ولاشفنا رطب=وان كان قدمي بحر ميت صايبـه.
إبراهيم الجذع=
منتـه مميـز فالمناكـب والـركـب=لو يجتمع وين اركبه عن منكبه
الطالـب اللـي فختباراتـه رسـب=مـا ينفعـه مهمـا يعيـد التجـربـه
سعوود العصيمي =
أنا من اكبار المناصب والرتب=واللي سواتك فالمناصب نتكبه!!
اللي مايحسب للمناكـب ينكـب=مالي دخل فيه ولا فاللي رسبه!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|