علي العضياني =
بعد ما جيت يا ربعي عتيبه حضّروا بـرّاك=سمعت إنه معدّي فالجبل و يصيح و ينـادي
و عمهوج الصقيل اللي ظهر له فعل فالاتراك=ما ودّي تظهر فعوله بربعي ذخر الاجـدادي
براك العتيبي =
بعد ما جيت فازع يا علي ريّض و جرّ خطاك=عسى ماباس وش فيك متوتر و الوضع عادي
نعم نفخر بفعل الضيط لكن وين فعـل يـداك=تريّح يـا عتيبـي لا تكـدر جـوك الهـادي
علي العضياني =
أنا أبضغط عليك شوي و أنت إصبر على ما جاك=على قول الرجال البادي أظلـم و انتـه البـادي
يميني طايله مـا تنقصـر لـو تنقصـر يمنـاك=لنا في صفحة التاريخ فخـر و عـزّ و امجـادي
براك العتيبي =
أنا ماني بجاهل ويش جابك يا علي منـاك=لكن الله يعينك يوم جيـت مسنّـد الـوادي
أظنك يا علي لا زلت في جهلك و في عمياك=ندلك للطريق العدل وانت بسريتـك غـادي
علي العضياني =
أجي لك من قريّب ثمّ أحطّ الوسم في علباك=مثل وسم الذلول اللي عليها خرج و شدادي
لقينا شجرة الزقوم مدري شجرة التنبـاك=عسى ما للمخايل فوقها بـارق و رعّـادي
براك العتيبي =
تنوّش لك علومن يا علي صعبه على شرواك=لكن ارتاح في مثبرك يـا مقصـور الايـادي
نهرتك مير اشوفك يا علي صامل على دعواك=و ذبحتك حصلت لو كان ماهي غاية مـرادي
علي العضياني =
بعد ما عوّدت يمناك مع يسراك في مخباك=تبا تنساق مع درب الشهاميّه و تنقـادي
تبا تذبح رجالٍ فاللقاء ميقافهم يحماك !!!=حرق خشم الفتيله يوم فيها يقدح زنـادي
براك العتيبي =
تقوله وانت علمن جاك من براك خض شواك=بعد ما ارسلك مرسولك عليّ و حدّك الحادي
لو ان الله سترك ولا طلعت بغمرك و حنـاك=سلمت ولا فرسك الذيب ابو نيبـان ٍ حـدادي
علي العضياني =
مثل برّاك واجد فاقدين الوعـي و الإدراك=سوى فالمنزله و المعرفه و الملح و الزّادي
ليا جيتك مع الباب الوسيع إنقز مع الشبّاك=طوال الليل أنا وايّاك سردادي و مـردادي
براك العتيبي =
ليا مني خنقتك لا تضـارب عنـدك الاسـلاك=علي يا شوق ملهوف الحشا مركوز الانهـادي
نزلّك يالعضياني ملك وانتـه علـى مركـاك=وهاذي ماجرت عقب الرسول المصطفى الهادي
علي العضياني =
ليا أخلفك إلتماس السلك تتعب ما لقيت دواك=يا شوق اللي ترشّ قرونها بالورد و الكـادي
هذا ماهوب أنا مخلوق في وصفك و في حلياك=يربّط بالحبل و يحـطّ فـي رجلينـه قيـادي
علي العضيانيx براك العتيبي
صحت الالسن والقلوب
محاورة رائعه !!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|