بسم الله الرحمن الرحيم
السلام عليكم ورحمة الله وبركاته
في مساء يوم الخميس الموافق 28/10/1431هـ
احتفل رجل الاعمال الشيخ / عمر بن حامد بن تويلي العازمي العتيبي
بزواجه في قاعة الرياض للمؤتمرات
وبهذه المناسبه تقدم الشاعر / عايض بن زايد الغامدي بقصيدة شعريه
ياحزام العوازم فالرخا والزحام =شيخ ربعك ومقدمها ومسلولها
يابزيع المكارم ويابزيع الهمام =لك نقدم تحايانا ومحلولها
عود كنبود والعنبر وجل إحترام =يازعيماً صفات الجود تسمو لها
وياسلامي عليكم يالعوازم سلام =والتحايا رضا المضياف مدلولها
وياسلامي على من ضفا حفل الكرام=وياسلامي على العتبان وزحولها
لابتن سطرت تاريخها بالحسام =حبره الدم من حده ومن هولها
لابتن تعشق الفزعات عشق وغرام =تفرق امجادها فالطيب وفعولها
والتحيه لبن حامد رفيع المقام=والف مبروك مقيوله وباقولها
ناسب اسبيع والسبعان حرب وسلام =تجمع الطيب والطالات تطولها
يمنون الدخيل وينطحون السهام =كم حريبن وطته اسبيع بخيولها
ودعوتك ياعمر للشاعر اكبر وسام=دام حتا الملوك اليوم لبولها
يازعيم المراجل ياوريث العضام=يادواء المعضله لاقلت احلولها
من زبنك استضل ومن حربك استضام=هامتن هامت العدوان تدنولها
ياحميد السجايا ياعميد الكرام=مدتك معضم المدات شملولها
اكثر الناس يعطي خشيتن لايلام=وانت ياشيخ راعيها ومجبولها
فيك طبع الحليم وفيك صمت الحشام=وان هرجت العجم هرجتك صاتولها
والمعذره على التقصير قبل الختام=المخايل مازاد البحر بسيولها
القصايد كلام ولايسد الكلام =في وصوف اطيب العتبان وفحولها