الورقة 55
حسبي الله على من روّع الغافليــن
كل ساعة هجوم وكــل يوم انفجـــار
حسبي الله على من عذّب المسلميــن
وبث ف/اوطانهم رعب وخــراب ودمـــار
كيف بغداد صارت وكــر للمفسديـــن
ارعبــوا كــل اهاليها كبــــار وصغــــار
انصبوا لاهلها في كل شارع كميـــن
عانهم بين رعـــب وفتنـــة وانهيــــار
الفقر محتويهم والقهر كـــل حيــــن
والمنايــا تخاطفهم يمين ويســـــار
دمّهم سال واروى وادي الرافديــــن
كــن غازينهـــم روم ومغــول وتتـــــار
داخــل بيوتهـــم حتّــى مهــم آمنيــن
وفي مساجدهم المعمورة اطلاق نار
فين حرمــة بيوت الله والساجدين؟؟
وين دم العروبة وين حسن الجوار؟؟
يالعراق استباحوا عرضك الطامعين
والعروبة توارت والامل ف/انحـــدار
يالله اني طلبتك وانت نعم المعين
ردّهـــا في لباس العز والافتخـــار
سخّرلها رجـــال عزمهـــم مايليــن
يرقعون الخلل ويصححون المسار
وانصر اهل الهدى والحق دنيــا ودين
واصرف الشر واهله عن هذيك الديار