سلطان الجذع =
سلام تسليمٍ بدرب الحـق مثنـي ومعقـول=فالليله اللي يسجد الطاغي تحت محرابهـا!!
المشكلة يابن عمر تخلف موازيـن العقـول=حسبي على اللي حطها بين اللحى واشنابها!!
سعود العصيمي =
يامرحبا واهلآ هلا حسب المذاهب والوصول=في ليلة ماغاب عن نار السعد شبابهـا !!
ان كان عندك مشكله ماهيب في هاك الذول=نبـا نجيـك بحلهـا والا نقـفـل بابـهـا
سلطان الجذع =
جيتك بمفتاح الملـف اللـي مقفـل بالقفـول =فالعمله اللي مايباع ابهـا ولايشـرى بهـا!!
استقتها طيب ولويت الحبل في يدين مهبول :)=وام الكباير ذمة ابليـس العـور ترضابهـا!!
سعود العصيمي =
انته وش اللي مدخلك مابين حومل والدخول=مادام بارقها مجنـب عنـك لاتشقابهـا!!
كلمتك هاذي مالها عندي محـل ولاقبـول=وام الكبائر من عصاها تطحنه بانيابهـا!!
سلطان الجذع =
حنا موامين المراجل من سنة حلف الفضول=وان كان غابت عنك حققنا معك فغيابهـا!!
لقت لها عيٍ عطته من الدلال الصفـر دول=وعوّد يلبسها الثياب اللي ماهي بثيابهـا!!
سعود العصيمي =
انته تلم المرجله حتى ولو وقتـك ذبـول =مافيك قاصر الجذع والطيبه لاصحابهـا!!
ابا انشدك لوجاك هذا العي بكره وش تقول=لاقال هذه خنجري ورضاك فوق انصابها؟؟
سلطان الجذع =
أما اعتدل ياسعود واعلن عن سواياك العدول=والا عتيبه طلعت قلبـك بـروس حرابهـا!!
والله ليبرك مبرك الناقه ويشتـال الحمـول=وأرد لك منه الحقوق أضعـاف ياطلابهـا!!
سعود العصيمي =
اتصيح يابو ريح وانته لابعير ورحول =وانا مع اهل المعرفه قرايها كتابها
ماضاع لي دين ِ ورا سلطان دقاق الطبول = وان جاب سلطان الغنايم قبلنا ما جابها
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|