ابراهيم الجذع =
والا يا السميري كان تسمع مناديـك=تـقــدم ومـثــل حـزبــك الأشـتـراكــي
ترا قدر ضيفك عقب ما جاك ناصيك=ما هـو بـس تقويعـه بحيـد المراكـي
ماجد السميري =
تنادي وانا في مجلس الطيب ما اوحيك=لكن اطلب الله هو مجيـب المشاكـي
آحد قدره التوجيب من غيـر تشكيـك=و آحد قدره المشعاب فـوق الحناكـي
ابراهيم الجذع =
أنـا أخبـرك لاعـب تهـزم الـلـي يبـاريـك=لـكـنـك مـصــاب ولا تــبــا الأحـتـكـاكـي
ترا الضيف ما يضرب عسى الله يهديك=علـومـك وراهـــا كـــن فـيــك ارتـبـاكـي
ماجد السميري =
ترا اللعب اله فن ومهاره وتكتيك=ترفّع وخل اللعب لاهنت واكـي
تخيّرت هذيـه وكبيـت هذيـك=واقـدرك ياهـذاه قـدرٍ لذاكـي
ابراهيم الجذع =
ترا نكبة أهل القدس صارت تواليك=تـظـن الـبـلا شـــارون والا بـراكــي
ليا شفت لي صعلوك بين الصعاليك=عظامـه نكسرهـا لــو بـعـود راكــي
ماجد السميري =
والا يالجذع ياكبر عينك واذانيـك=ولكن طافك هرجنـا وش بلاكـي
مادام الحميّا مالها وزعـةٍ فيـك=على الستر خلك بين الاجواد تاكي
ابراهيم الجذع =
أنا الذيب الأشهب وأنت ذيبٍ حراويك=تـدوج وتلـعـب عـنـد ريــح الجـراكـي
تـبـا تـسـري الليـلـه وتكـثـر هـذاريـك=تسولـف ولـنـت بــداريٍ مــن تحـاكـي
ماجد السميري =
ياشعر الأدب قلّت وباحت معانيك=وحالك يقول انك من الوقت شاكي
لا بالله دريت الله ل/ناسك يخليك=ولكن سلّم لي على اللي وراكـي
ابراهيم الجذع =
علامك يا ماجد قمت تنفـخ علابيـك= اشـوفـك تــدور للحـقـوق انتهـاكـي
مدام السـلام الكـل شخـصٍ يماريـك=ابا اركي عليك النار وأنت امتراكي
بيض الله وجيهكم
وصحت السنتكم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|