[مــعــدي الــعــتــيــبـي]

عزالله ان الصبر طول ومليته == وانا ابرجا من عليه طول غيابه
الصاحب الي مشيد بالحشا بيته == في داخل سويد قلبي دق منسابه
بيتن على الحب والاخلاص سويته == ومن الشرايين بيته وخذت اطنابه
بيتن اليا جاه غير الزين صكيته == وان جاء لطيف الحشاء شرعت له بابه
سيد الحلا من اول النضرات حبيته == وصبحت اسير لذاك الرمش واهدابه
ولو قلت سيد الحلا ماضني اوفيته == ماوفيت سيد الحلا ياكود بكتابه
والله مامر يومن ماتمنيته == ولايومن الا ابهته ياناس واغتابه
واليوم اببدي بما فالصدر قاسيته == على الورق بسم اسير الحي وترابه