السلام عليكم
أترككم تستمعون مع المحاورة المميزة
بين الشآعرين ممدوح العطيآني و زيد العضيلة
ممدوح العطياني
مرحبا حياكم الله على السلـم الجزيـل=سلم ربعي محتويـن المراجـل كلهـا
يالعضيله وش نصيب العميل من العميل=عطني أخبارك وزبدة علومـك هلهـا
زيد العضيله
البقا بك يالمرحب عسى عمرك طويل=ياسفير العزوه اللي حضرت أرضى لها
العلـوم أبشـرك لاذليـل ولابخـيـل=وأن لقينا مشكله عنـد نـاس نحلهـا
ممدوح العطياني
المناوي ماتضوي كثير ولا قليل=والمصالح شجرةً مايضلل ضلهـا
أجتمعتوا كلكم داخل القصر الظليل=والعرب تعرف دقاق العلوم وجلها
زيد العضيله
أن لقينا عدلةٍ مايله نلقى عديل=وأن لقينا ناقصة وزن ماننزلها
أجتمعنا وأنتهينا على علمٍ جزيل=والعلوم اللي على طبل ماأطبلها
ممدوح العطياني
الحقوق اللي تنصاك والحمل الثقيل=لاتعرضها عجاج الصبـا وتزلهـا
وأهني الاجنبي بعد حصلّه كفيـل=كل هقوى في حياته يبـا ياصلهـا
زيد العضيله
الخبر من راس والزند يقدح في الفتيل=خلها عندي ياممدوح انـا عـمٍ لهـا
وأهني الجالي اللي يدور لـه دخيـل=لارمـاح ولاسيـوف حـداد يسلهـا
ممدوح العطياني
المثل قد قال ما للجميل الا الجميل=يالعضيله لاتعداك ماتفطـن لهـا
والله أني عايشٍ لا جبان ولاذليـل=وأحمي الوقفات مادامني كفولهـا
زيد العضيله
المثل قد قال ماحدٍ يخلق المستحيل=والعلوم نجيبها والـدروب ندلهـا
شكرا لكم .....