نواف العتيبي
مرحبا من شاعر ٍ لن مـا نطـق بالجـزل ولاّ=ضلّ ساكت .. ما يدير الفكر .. لو طوّل سكوته
زملكم يا عيد في ديرة حضـن وش فيـه فـلاّ=هو تعايب نجد ولا ّ مـا ملـت عينـه نبوتـه
عيد العازمي
والبقا من شاعرٍ بالشعر مآغار يتسلاّ=وان حصلّه مع طوال العمر فرصه ماتفوته!!
ماتشوفون النجوم اللي على الديره تجلاّ=لين تقرون السيَر واعلامها في حرب موته!!
نواف العتيبي
يا ولد عاصي ترى الموضوع والله مـا يخـلا ّ=كيف يجفاكم رجل وأنتم ذراه ومـال قوتـه !
في قضيّة واحد ٍ مـن طرقـة الاجـواد مـلا ّ=وش يقول الشايب اللي فالبلد مسموع صوته ؟!
عيد العازمي
سمنكم صبّوه في مرقوقكم ياهل المكلاّ=عندكم خيرٍ فضيل وبحركم مقتضّ حوته!!
العلوم اللي تكدّر خاطرك عنها تخلاّ=السعد تبناا بيوته والعنا تطوى بيوته!!
نواف العتيبي
المصيبه يا طويل العمر فـي مـاك المحـلا ّ=خل ّ عنك علومنا ... وليا بلشت بعلم شوته !!
ما يكدّر خاطري يا كـود رجـل ٍ مـا يـدلا ّ=يالله انّك تنتقم (للشيخ) من ناس ٍ بهوتـه !!
عيد العازمي
الصحيح علومكم قسم الملقّف والمبلاّ=مثل مانواف في هم العرب محفٍ سبوته!!
من صغير السن غلطه واضحه .لا والله الاّ=كل ماوحى علم في جيبه مسجّل فوق نوته!!
نواف العتيبي
كنت ابا افزع يمكم يومن راع العلـم زلا ّ=مار خيبتوا رجاي , ولآ على المبلي شموته
اطلب اللي يا ولد عاصي على عرشه تعلا ّ=ينهي الاوضاع قدم الرجل يعطيهم ثبوتـه !
عيد العازمي
الذيابه لاتجي مابينهم حاشا وكلاّ=لاتضرّا بالمشاكل وانت من ناسٍ قنوته!!
يصلحون القوم لاتفرح على الناس وتزلاّ=لو شفا نجد المسمّى طال مانبتت خبوته!!
عيد × نواف
صحت السنتكم
