[مرزوق حمدان العتيبي]

ابراهيم

الليله الليله نبا المعنى مثل وبل الرصاص=والنيص ما نشفق عليه ولو اشوفه ما اقنصه
مال الجروح اليوم يا مرزوق يا كود القصاص=والحبل فالغدرا يروع من هو الداب اقرصه

مرزوق

هات الثمينه ياقوي المعرفه كب الرخاص = لن الرخيصه ماورى من جابها الا المنقصه
المعذره ياصاحبي لو صار بالوضع اختباص = وانتم نعم ياصحابنا لو فيكم شوي حرصه

ابراهيم

حنا نعرف الجمره الحمرا من التمر الخلاص=واللي يحب الغاليه يا صاحبي ما نرخصه
الناس حسب الدرس يا مرزوق تلقا الأختصاص=لكن بعض الناس ما يعرف نظام الخصخصه

مرزوق

انتم نشاما مالكم عن طيّب الوقفه مناص = والوقت لو شح بعطاه.. ايدور وتجيك فرصه
لا تامن اللي يدفعك وان جا.نهار الجد حاص = ماعنده الاّ يابراهيم الفتن واللصلصه

ابراهيم

يا ربعنا العتبان للوقفه ترا مفراص ماص=اللي يجيب العلم والكايد يجيه ويفرصه
مال الفرص يا صاحبي مرزوق غير الأقتناص=لو كان ما نتبع هل التطبيل واهل الهنقصه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD