محمد شبيب السبيعي
سلام تسليمة وفاء وافيه في كل لاحوال=تسليمتن من طيبها تشرح الصدر وشعوره
لا مرني راعي المعرفه وانا طرقي ورحال=يطيع شوري لابغا اشور ولا أطيع شوره
معجب العتيبي
يامرحبا ترحيبةٍ من صميم القلب والبال=ترحيبةٍ يفرحبها اللي يفرّحنا حضوره
يابو شبيب ان كان في هاجسك كلمه وتنقال=اكتب على الصفحات شيٍ تشرفكم سطوره
محمد شبيب السبيعي
دام البقا ياصاحبي صاحبك صراف الامثال=والوقت يا رجال يأخذ بنا لفه ودوره
المدرسه ياصاحبي ضايقه من كثر الاطفال=والي يناظر ماتحقق عيونه كل صوره
معجب العتيبي
والنعم باللي يحكم القول بلسانه ليا قال=وان قال كلمة حق ماغيّر افكاره غروره
الطفل يكبر يالسبيعي لامنّه شاف عقّال=واصبح يقلدهم ويفهم ولو طالت شهوره
محمد شبيب السبيعي
الدلو يارجال وشلون ماتصفق على الجال=والسانيه تظلع من والوقت والكبد أمعصوره
المشكله فالي صفا رأس ماله ثوب وعقال=ولارض من كل النواحي باللغام محفوره
معجب العتيبي
لابد ماترضى ويرضا معك مليون رجال=لكن خل الصبر يعرف من الناس الصبوره
كلٍ ومقسومه وحظه وجهده حسب ماصال=واللي يصول يقدم لحظرته دفتر عبوره