مشكور يامخلد وقيس من سكان المحاني واطرافها وله محاورات مع شعراء الثعاليه العظام امثال نامي الحفز وسعد بن خالد الثعلي لكني لا احفظ منها الا القليل
منها, ان قيس مر له بنخله مثمره واخذ منها تمر بدون اذن صاحبها وكانت تشوفه احدى النساء وابلغت عنه, فلما وصفته عرفوه وقالوا هذا قيس وراعي حلال
لكن نامي انتهزها ليمزح عليه بها اثناء ملعبه جرت بينهمااذا قال نامي:-
هذا سفر وش جايبه في هالديار000وهوه عليه علوم مايدري بها
الصيده اللي صادها هاك النهار000شافوه مع حيد النخل غادي بها
فرد عليه وهو عارف ان المراة هي اللي علمت نامي
اللي يرد العلم هو رجل والا سمار000لو ما احتضيت ان الرجل يبدي بها
والبيت الثاني تسيته
فرد نامي عليه
جتني بها عذرا وهرجتها قرار000ماقط جت بالكذب دركني بها
ونسيت الشطرالثاني
فرد عليه قيس
تخسى وابوها في سنى تسعين نار000نار توقد في العظام لهيبها
الحرمه اللي هرجها دايم عوار000ملعونة لو صاحبت ماعلمت بصحيبها
ورد عليه نامي ببيت واعترف قيس وقال
اخذت لي غرزة بلح خيبة دبار000اكلتها في مقعدي عهدي بها
وقام شاعر ثاني اسمه نوار وقال
وراك ماخطرتني وانا نوار000اكرم الضيفان واحييبها
ورد عليه قيس خطرتكم ياصاحبي عدة مرار000وشحيت في الزبده لاتيدمني بها
وقامي نامي ورد على هذا البيت وقال
لاتظفلمون الحضر ياقوم المصار000ياخالطين الماء على حليبها
وفي مناسبه اخرى حضر قيس عند نامي وهو يحفر له حسو(الحسوبير صغير) واصر قيس على النزول الى قاع الحسو مع الذين يحفرون وغنا:-
من يعلم ربعي اني عند نامي بالعلق والدلو واسبابه وسيبه
من صباحه لين جاء وقت الظلامي000قضني في الحسو لين اظهرت غيبه
فرد عليه مامي
اشتغل والحل اخير من الحرامي000 والتمسدح في المجالس وش تبي به
وفي مناسبه ثانيه حضر ملعبه وكان فيها شعراء على راس سعد بن خالد وطلبوه يلعب ورفض وأراد سعد ان يستفزه وقال:-
ياسلمي افزع جعل ماعمرك ذبيح000العود راح وصار طقه في الوريد
وقام قيس وقال:-
فزعت يوم اوحيت صياح يصيح000 هو مادرى انا روق صافين الحديد
ليانزلنا الخوف قلبك يستريح000في شوفك النا ياسعد سره وعيد
ثم سرى اللبل بينهما الى قال قيس في قاف اخر:-
ياجماعة خير حطوا بيننا فراعه000لي عميل ماقرأ الختمه وانا قاريها
مابقي غير اختله لان الزمه بكراعه000مثل ختال الوحوش اللي يبي يرميها
وان لزمته في رقبته لأربع الترباعه 000ثم اجره للشكاعه ثم احطه فيها
ولم احفظ من ابيات سعد شئ
وتحياتي لك
آخر تعديل إبن ثعلي يوم 15-Sep-2010 في 04:47 PM.