السلام عليكم ورحمة الله وبركاته اخواني الاعضاء هذي قصيده مرثيه في الشيخ /ضيف الله ابن حمد رحمه الله
يالله يامنجي نبيك ابراهيم=من كيد عباد الصنم لتعذيبه
يارب موسى اللي بعثته بتكليم=يامغرقن فرعون باقسى غليبه
ياخالق الرحل ولا غيرك مقيم =ياعالم بالكون واقدار غيبه
تغفر لبو صالح نصير المظاليم=اللي وفاته فاجعه في عتيبه
يالله عسى ماواه فالخلد تنعيم=في جنة الفردوس يكبر نصيبه
ضيف الله اللي بالكرم كنه الديم=مثله قليل إمن النساء ماتجيبه
حلال عسرات الامور المباهيم=النادر اللي للعداء يندعيبه
شيخ القبيله من حرار صواريم=ابن حمد ساس الوفاء ساس طيبه
ساس الشيوخ اهل الفعول المقاديم=يوم الليال المظلمات المهيبه
تاريخهم واضح ولافيه تعتيم=كل القبايل تعرفه وتحكيبه
يوم الزمن صوله وجولات ومظيم=خصيمهم يسري يشيل المصيبه
مرحوم ياشيخ الوفاء والملازيم=والله ليبقاء اسمك مع القوت هيبه
تنعاك نجد وكل ذيك المراسيم=من كشب للعارض جبله وشعيبه
يانجم ياللي غيبتك المقاسيم=يبقاء رجانا فالنجوم الرقيبه
والصبر طيب للكبود المواسيم=اللي عليها الحزن عرقاء صليبه
حمد جزاء المغيري
آخر تعديل بخيت السعد يوم 12-Sep-2010 في 02:19 PM.