[قاطع طريق]

	بسم الله الرحمن الرحيم القيض ولّى وجانا البراد = وانا على حاميات الوقود كني مريضٍ طريح الوساد = سهران والناس حوله رقود العين عيّت تذوق الرقاد = والدم فـ العرق صابه جمود والناس في واد وآنا بواد = وادٍ سحيقٍ بعيد الحدود سبة غزالٍ عيونه حداد = ريان عوده طويل الجعود غروٍ غريرٍ يغر العباد = ما فيه مثله بهذا الوجود في كل يومٍ جماله يزاد = يا عونة الله جماله يزود فتان ريحه يشادِ الزباد = ومخالطه من جميع الورود ما بين مسكٍ وما بين كاد = وما بين عنبر وما بين عود من يوم شفته وانا في جهاد = لو كان يصعب عليّ الصمود خلّي هجدني بحبه هجاد = وحشد عليّه جنوده حشود وبالبعد والهجر والصد زاد = وان رمت قربه يزيد الصدود زاد التكبر وزاد العناد = وقامت عليّه تشد القيود عذبتني يا ظبيّ الحماد = عذبتني والبرايا شهود عذبتني مثل تعذيب عاد = وفجّرت قلبي بصيحة ثمود وسبعٍ عليّه غلاظٍ شداد = تجرد عليّ البلاوي جرود لا شفت خلّي يزيد البعاد = تظلم حياتي ظلام اللحود مدري من الهجر ويش استفاد = الهجر راعيه ما فاد فود وان كان ربي بلاماه جاد = عز الله اني عليه محسود