يامرحباً باللّي لفونا مسيّان=ترحيب صافي من حبيب لحبيبه
يبغون لغزٍ كاتبه أبن هدلان=مايعالجه قوقل ولا هو طبيبه
طازج نظمته للشواعير عنوان=وما كل لغزٍ قيل تقدر تجيبه
بعض العرب يمسي يغني وفنان=وبعض العرب من عفو ربه قريبه
وبعض العرب مايختفي يومه يبان=وبعض العرب ينساق مثل الجليبه
وبعض العرب لو قالوا الناس غلطان=مايوجس بقلبه مع الحق ريبه
أنشدك عن بنتٍ أبوها بليهان=شيال لحمولٍ لها هي صعيبه
يدخل على كل المنازل والاوطان=غصبٍ عليك إدخولها مع شعيبه
ولا يدخل إلا بنتها قدم الاعيان=قدامها تمشي تكد الذويبه
تسقيك مر احيان واحيان=وتضحك بوجهك حين وحينٍ غضيبه
ماهي من الانس ولاهي مع الجان=وبوه عقيم وبنتها هي تجيبه
وبنتٍ بليا ابوه ابد مالها شان=وبوه بليا بنتها ويش تبيبه
هذا وصلوا عد طيرٍ على اغصان=على النبي ياهل الوجيه الحبيبه