بسم الله الرحمن الرحيم
مرثيه في الاخ سفر قزعان بن عمر العضياني (رحمه الله رحمتن واسعه)
للشاعر/ سعود بن محمد بن عامر بن عمر العضياني
سمعت للي علماً منه ماتهنيت=علماً بوسط القلب مكن صوابه
علماً منه بكيت ياناس وابكيت=ابكيت من عندي على اللي جرابه
له خمسة شهوراً وهو خارج البيت=والكل يرقب رجعته والقرابه
ومن زاوره يقول ياليت ياليت=ليته يعود ويفرج الله مصابه
مرحوم يلي فاالرداء ماتمشيت=مرحوم يلي مااهتناء في شبابه
مرحوم يلي بينا طيب الصيت=عزيز نفس وفيه صبر وصلابه
مرحوم يلي فاالخطاء ماتخطيت=مرحوم يلي عز من هو نخابه
مرحوم يلي طيباً ماترديت=ومن خلقته مافيه شخصاً شكابه
هذا سفر لو قلت ينقال مااوفيت=كلاً يعزه ينحسب له حسابه
الله يغفرله ويبناله البيت=وفي جنة الفردوس يعظم ثوابه