[الــوآفــي]

المشاركة الأصلية كتبت بواسطة الطائر

السلام عليكم ورحمة الله وبركاته ......

اررررررررحبوا يالعتبان ترحيبة قحطان ما تنساق الا لمثلكم وشرواااااااكم ..

اررررررررررررررررررررحب يالطائر وحياك الله بين اخوانك وربعك

والله لا يهينك

المشاركة الأصلية كتبت بواسطة الطائر

انا جديد عليكم وشدني هالموضوع قلت توكل على الله ياولد ... واقلط على الرياجيل وسلم عليهم أو (علاهم )

عليكم (علاكم ) السلام ورحمة الله وبركاته

المشاركة الأصلية كتبت بواسطة الطائر

اولاً : الرجال يقدرون الرجال سواهم عتبان او غيرهم ومن طرف حن يالقحاطين والله الذي رفع سبع اننا ما نحقر الرجال و العتبان لهم عندنا تقدير .. اما الرخمه فما يحسب لا علينا ولا عليكم صح ولالا يا رجال ..

ونعم والله بعوال الشايب وكلامك والله هو الصح

المشاركة الأصلية كتبت بواسطة الطائر

ثانياً : لو تلتفتون للغثا ترا الغثا وااااااااااااجد لكن الواحد ما يلتفت للقاصره ويرفعها ..

ما بعد كلمتك كلام طال عمرك

المشاركة الأصلية كتبت بواسطة الطائر

ثالثاً : اما الموضوع وما فيه حتى لو اخطى الرجال سواه سامعها .. بادعها .. قاريها .. مزبركها .. ما يندرى يالربع وش مقصده والربع الي ما ردو عليه شافوا اللحية الغانمه مشارك قالوا خلنا نشكر الرجال يومه يشارك ولاهوب كلن بيروح يتحقق من الموضوع وهذي حقيقة يالأجواد ..

بس اللي ما يتأكد والا يفتح مجال ينشره عليه وهذا تاريخ يالغالي مهوب كل من هب ودب قام يتكلم فيه والا لا

المشاركة الأصلية كتبت بواسطة الطائر

رابعاً : انتم ربعنا ولا عليكم خفا حن عندنا نقص مؤرخين يالقحاطين وتاريخنا غدا به الزمان الا شيء مطرف !!
مهوب مثلكم ما شاء الله عليكم صفحات تتابع فقعت عيوني
ولا تحسبون ان الرجال الي محكحكت معادنها كثير الي بينصفون فعولنا .. الا هم شوي من شوي .. ثم يجيك ابو قحط يذكر علوم تنومس عيااااال الشايب ثم يتحمس الورع او (البزر) ويروح يحطله كلمه صحيح و معها خصف واجد !!!

تاريخكم معروف يا قحطان والله ونعم التاريخ ونعم الرجال بعد وان كان فيكم اللي يجهله والله القبايل الاخرى تعرفه زين وفعلكم ثابت في الماضي والحاضر

المشاركة الأصلية كتبت بواسطة الطائر

خامساً : انا في منتدى شبكة قحطان وعز الله انهم ما قالوا الا علوم نعرفها زي اسامينا ولا شك انه فيه بعض الأخطاء لكن فيه مدح للعتبان !!و الصق صق ولا لنا فخر في هذا اما المنتدى الي فيه الموضوع ما تأكدت منه ..

ما اقدر اعلق على كلامك هذا لاني والله ما دخلت منتداكم بس ان كان كل الاعضاء مثلكم متأكدين انه طيب من طيبكم

المشاركة الأصلية كتبت بواسطة الطائر

سادساً : انا الي في خاطري شيء عليكم ياربعنا لأني ل .....
ولا أقول تمسوا على خير حنا ذا اليل متصافين و في الصبح ربح ولا به الا خير يا نطاحة العايل ..

حنا متصافين دايم واللي تبيه تبشر به يا قحطاني

المشاركة الأصلية كتبت بواسطة الطائر

سابعاً : مدري ويش حببني فيكم يالعتبان مع ان بيننا وبينكم شق وبعج !!

ما حبيت الا اللي يحبك والماضي راح بخيره وشره والله يرحم امواتنا وامواتكم واموات المسلمين

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه