[الطائر]

السلام عليكم ورحمة الله وبركاته ......

اررررررررحبوا يالعتبان ترحيبة قحطان ما تنساق الا لمثلكم وشرواااااااكم ..

انا جديد عليكم وشدني هالموضوع قلت توكل على الله ياولد ... واقلط على الرياجيل وسلم عليهم أو (علاهم )

وأدلو بسطلك مما ناشت يدك ..

اولاً : الرجال يقدرون الرجال سواهم عتبان او غيرهم ومن طرف حن يالقحاطين والله الذي رفع سبع اننا ما نحقر الرجال و العتبان لهم عندنا تقدير .. اما الرخمه فما يحسب لا علينا ولا عليكم صح ولالا يا رجال ..

ثانياً : لو تلتفتون للغثا ترا الغثا وااااااااااااجد لكن الواحد ما يلتفت للقاصره ويرفعها ..

ثالثاً : اما الموضوع وما فيه حتى لو اخطى الرجال سواه سامعها .. بادعها .. قاريها .. مزبركها .. ما يندرى يالربع وش مقصده والربع الي ما ردو عليه شافوا اللحية الغانمه مشارك قالوا خلنا نشكر الرجال يومه يشارك ولاهوب كلن بيروح يتحقق من الموضوع وهذي حقيقة يالأجواد ..

رابعاً : انتم ربعنا ولا عليكم خفا حن عندنا نقص مؤرخين يالقحاطين وتاريخنا غدا به الزمان الا شيء مطرف !!
مهوب مثلكم ما شاء الله عليكم صفحات تتابع فقعت عيوني
ولا تحسبون ان الرجال الي محكحكت معادنها كثير الي بينصفون فعولنا .. الا هم شوي من شوي .. ثم يجيك ابو قحط يذكر علوم تنومس عيااااال الشايب ثم يتحمس الورع او (البزر) ويروح يحطله كلمه صحيح و معها خصف واجد !!!

خامساً : انا في منتدى شبكة قحطان وعز الله انهم ما قالوا الا علوم نعرفها زي اسامينا ولا شك انه فيه بعض الأخطاء لكن فيه مدح للعتبان !!و الصق صق ولا لنا فخر في هذا اما المنتدى الي فيه الموضوع ما تأكدت منه ..


سادساً : انا الي في خاطري شيء عليكم ياربعنا لأني ل .....
ولا أقول تمسوا على خير حنا ذا اليل متصافين و في الصبح ربح ولا به الا خير يا نطاحة العايل ..

سابعاً : مدري ويش حببني فيكم يالعتبان مع ان بيننا وبينكم شق وبعج !!