[العــــــــابر]

المشاركة الأصلية كتبت بواسطة ابن ثعلي

اليس في ذلك مخالفه للامر الملكي الاخير بخصوص الفتوى ؟؟؟
للاسف العمر والاحمد لا يعانون من البطالة هم وابناءهم وبناتهم فبامكانهم اختيار الجامعة
التي يرغبون بها والعمل الذين يريدونه لهم ولا بناءهم وبناتهم وبالتالي لا مانع من التحريم - من وجهة نظرهم - لانهم لن يتضرروا ولن يحاسبوا .








تحياتي

ليس هناك مخالفه للامر الملكي :فالامر الملكي يقصد اثارت الفتن وتضليل الناس والبحث عن مختلفات

الامور.اما ماقاله الشيخين هنا فهو مكان اجماع اهل السنه والجماعه.

هل دخلت بيوتهم وهل تعرف مايعمل ابنائهم وبناتهم وهل تعتقد ان ماقلت انهم لايعانون انه سبيل لتحليل

والتحريم.

هل دين الله لاتباع الاهواء؟

انت بذلك تتهم شيخين فاضلين وتشكك في عقديتهم .يعني لوكانوا عيالهم عاطلين وبناتهم شغلوهم

كاشيرات.

بوجهة نظرك الفذه هل ترى ان عمل المراه كاشيره هو من سيمنع البطاله؟

ويحل مشاكلها؟

بندها وغيرها اذا ماتدري يابن ثعلي يالعارفه تطرد الشباب السعودي طرد من الوظائف ولاتشغلهم

ومكاتب العمل تذل من بنده وكبار التجار بس يوم اصدروا قرار بتوظيف البنات كاشيرات جوك ربعك

الخساس ومدراهم اللبنانيين والاجانب في استقبال البنات بكل حفاوه ورفع الرواتب والتحميس

والتشجيع منقطع النظير .هنا يابن ثعلي ماسئلت روحك ليه لماذا يطرد شبابنا ويستدعى بناتنا.؟

وغير كذا كلام الشيوخ قديم وواضح حول هالامر .

بس يابن ثعلي اللي اصدر قرار عمل المراه كاشيره هل انتظر رؤية الشرع ام انه اتخذ قراره من راسه؟

طيب ليه مانرجع القرارت في مثل هالامور للمفتي وللجنه الدائمه مثل مارجعنا الفتوى لهم.

هل ترا من العدل ان تحجب الفتيا ويطلق سراح القرارات المحرمه بدون رقيب وحسيب؟

هنا لايوجد عدل والكفه مالت واصبحت الامور غير موزونه.

فلاحياه بدون اسلام .

وبعدين ياخي الكريم الحلول كثيره وافضل من هذا الحل.

انت يابن ثعلي واعذرني كثرت عليك والله من حبي للثعاليه .

لو حطينا سوق خاص للنساء في كل انحاء مملكتنا العزيزه وشغلناهم ودعمتهم الحكومه وحنا

بنساعدهم بعد وبتشوف الشيخ الاحمد والعمر يساعدونهم ويدعمونهم انهم يبيعون ويشترون في

اماكن مخصصه لهن بعيدا عن التحرش الجنسي وغيره.

بكذا نكون ضربنا عدة عصافير بحجر واحد قلي شلون بقولك يابن ثعلي:

انا وانت والحاضرين وكل الربع نبي نرتاح نودي اهلنا لهالسوق ونتركهم وحنا مرتاحين يبيعون حريم

يشرون حريم وبعدين لوازهم الخاصه بينهم بين .

ومنها نقضي على ام البطاله اللي اقرفتنا صراحه وحنا من اقل شعوب العالم تعدادا ومن اضخم

شعوب العالم ميزانيه وبصراحه استحي يوم اقول هالجمله ومالقينا حل للبطاله الا بالاختلاط والحرام

والكاشيرات.

سبحان الله ينظرون هوى الشيطان وينسون حكم الله.

اللهم اصلح حال المسلمين.

اخوي ابوضيف الله جزاك الله خير والشيخين على حق باذن الله فهم غيورون وحريصون على عكس

والغيره والله هي منبع الاخلاق والدياثه هي نهاية الاخلاق.

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

آخر تعديل العــــــــابر يوم 26-Aug-2010 في 05:58 AM.