ابراهيم الجـــــذع
ودي آخذ مع أهل الشعر والعرف شوط=لو بعض الآوادم من هـذا الشـرط شـاط
مــن تـوفـر عليـهـم سابـقـات الـشـروط=يـتـقــدم ويـلـعــب لا يـصـيـبـه حــبـــاط
ابن ميمون
انت هات الحروف ولا لك الا النقوط=لاتزيد الكلام وتكثر الاشتراط
الجذع خط وانا اللي شقحت الخطوط=سبحتك مالها الا الفرط والانفراط
ابراهيم الجـــــذع
واصل السير لو بنشرت فوق الجنوط=والنقوط الك يوم اقفيت ملي الشناط
كل ساقط وله بين الخلايق لقوط=وأنت شاعر وابمشيك فوق السراط
ابن ميمون
افتح الموجه الاولى وتعطيك طوط=وافتح الموجه الاخرى وتعطيك طاط
انت الاول على ترشيحة الاخطبوط=من قوى الجاذبيه يسقطون السقاط
ابراهيم الجـــــذع
خابرٍ قوم نوح وخابرٍ قوم لوط=ما يجيكم سمومٍ في ليالي شباط
من سعوط المجنه جا لخشمك سعوط=ابعد اهدافها عن موضع الأنحطاط
ابن ميمون
انت سنّك جذع والعقل فارط فروط=مثل مبروك ابوناب وسوات السواط
لو نبا نفرغ بجمنبك ثلاثة مشوط=ماتحس برصاصه لو يحس البلاط
ابراهيم الجـــــذع
أنت من رحمة الله يا المطيري قنوط=يوم تمشي من الحره لحرة رهاط
قيل خيط الصبح ما هو بمثل الخيوط=يوم ثوبك يشق ويوم ثوبك يخاط
ابن ميمون
نمشي اديارنا ونسوط في روق سوط=مثل سوط العذاب ومن مسك سوط ساط
لاتجينا بثوب من الخيوط مخلوط=وانت تدري بنا مانقبل الاختلاط
ابراهيم الجـــــذع
لا تقرب من الكهرب ويضربك شوط=ثم تقفي تقطقط مثل صوت الغطاط
اقطع من الشوى قسمك ما هوب الشطوط=لا تزود قراط ولا تنقص قراط
ابن ميمون
انت لو نقربك يابو لساناً لعوط=كان صارت خدودك مثل لون الطماط
عقلك المنفرط ماعاد يربط ربوط=لين اخذنا من حذاك القديمه رباط
ابراهيم الجـــــذع
أنت مثل الصنم ومحنطينك حنوط=ما لك مع الفعول اللي ذكرت ارتباط
حوط قسمٍ خذيته من ثنيه وحوط=ثم لمطير حطه زين وسط السماط
| التوقيع |
الذم ما يهفي للأجواد ميزان=والمدح ما طول قصار الأيادي
|