متابع هنا وهناك ... عزا الله ما تابعت لا هنا ولا هناك
بغض النظر عن كلامك السابق ابعطيك معلومات بسيطه عن الشاعر احمد السواط
يعتبر من المخضرمين في ساحة المحاوره حيث إنه لعب مع كبار الشعراء امثال مطلق وصياف رحمه الله
ولعب مع مستور وجارالله وحبيب ومصلح بن عياد وعواض وغيرهم الكثير
مع العلم إنه غير متفرغ للمحاورات مره عند إبله ومره في عمله واضيف نقطه لعب المحاوره قبل السناني
ولا يحضر المحاوره إلا إذا كانت عند ربعه فقط تشريف وفزعه طبعاَ رغبه من عنده
وصدر له ديوان قبل 35 سنه وله مجموعه من القصايد يعني ما لومك يوم تقول فرق المستوى بينه وبين
السناني*حيث إنّا الشاعر احمد لعب قبل السناني إذا كنت متابع صحيح ...
وبعدين من انت حتى تقيم شاعر تجربته ممكن اكبر من عمرك !! ؟؟
أسال الشعراء وأهل الشعر ويعلمونك من هو الشاعر أحمد السواط
ولو إنك تحضر حفلات القبيله يلعب القاف الأول فالحفله وبعدها يطلبونه الشعراء في طواريق اخرى ...
وانا اتعجب منك يوم تقول فرق المستوى والخبره والشاعر أحمد السواط لعب مع عمالقة شعراء الرد
في زمن الشعر الحقيقي قبل السناني كما ذكرت ...
وكلها عند القبيله ...
الشاعر احمد السواط الوحيد اللي يلعب من اجل الشعر على خط سير الأولين
وبعيد كل البعد عن الأعلام والدعوات اللي هو رافضها عند غير القبيله
والرجاء منك لا تتفلسف علينا وتعلمنا من هم الشعراء وش هو معنى الشعر
وحنّا مع اهل الشعر والشعراء واخبر بشعراء قبيلتنا وغيرهم من الشعراء ...
والربع ما قصروا عطوك العلم عن المحاوره وعن الشاعر أحمد السواط
!!!! عجبي