هذه المحاورة جرت بيني وبين الشاعر زبن القاضي
غالب الذيابي
سلام من شاعرٍ يكتب عن الشعار تقريـر=ويصرّف القاف تصريف الذهب جزلٍ وغالي
الليلة الليلـة الميـدان شعـار ومساييـر=واللي يحب الذهب لايستحي ياقف قبالـي
زبــن القــاضـي
يامرحبابك ياغالب بعـد جابتـك المقاديـر=الله يحييـك فالميـدان يـاحـام التـوالـي
ان كان عندك ذهب تحسب من كبار الهوامير=قدامك السوق واشتـر بالجنيـه وبالريالـي
غالب الذيابي
الله يبشرك ياراع النبـا بالعـز والخيـر=اجل من العام جاني مكسبي مع راس مالي
مار البلا مجهر الدكتور عيا يرصد الطيـر=والطير له عام طلعه طلع وفعوله جزالـي
زبــن القــاضـي
الخير فالك وقدامك طويـلات المشاويـر=مايرتكي للحمول الا صناديـد الجمالـي
الطير يطلع على شم الشواهيق المشاهير=وكل ٍ يشوفه ليا وقع على روس الطوالي
غالب الذيابي
ياطولها يوم اميّز فالورود وفالمصادير=مسافةٍ تفرق الجزلات عن سوق الهزالي
لكن عليها العزايم وردتني جمة البيـر=كبيت رس الظما .. يازين ميراد الزلالي
زبــن القــاضـي
العقل نعمه ياغالب ولامـر يحتـاج تفكيـر=وانته معك عقل وتعرف الجواب من السوالي
العزم معه الفرج والقـوم قدامـك طوابيـر=اليا طرحت ابن غانم طاح ابو زيد الهلالـي
غالب الذيابي
ياطول صبر الليالي من كلام عوير وصوير=وانا بعد طال صبري من غرابيل الليالـي
الله يسامحك يالقاضي على بعض التدابير=بغيت نقض المثل لكن ماجالـي مجالـي
زبــن القــاضـي
المقفيه مقفيه واحسب حسابك للمناحير=ياماطرالك يابن ذايب وانـا ياماطرالـي
النير مايختلف لو الهواء حرك شمنصير=والعيص بركانها يغلي تحت صم الجبالي
غالب الذيابي
وجه المقابيل فيه الهوج ساقن المزابير=راعد مطرها هطل مزنه وبرقه باشتعالي
يطفي براكين وتزين الفيافي بالنواويـر=ويجر صوته طرب راع المكارم والمعالي
زبــن القــاضـي
ابداية الصيف مافيها مطرعج ومعاصير=وفصل الربيع المطر والخير كله فالخيالي
يابدو ياللي على البراق سواقت مظاهير=اتخايلون المخايل فالجنوب وفالشمالـي
| التوقيع |
:
:
:
إذا الكريمُ رأى الخمولَ نزيلـهُ=في منزل فالحـزمُ أن يترحـلا
كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا
صفحتي على التويتر |