قصة الروازن مع الذويبي
في احدا الايام قام الذويبي بطلب المرعى لقبيلته من الضيط وهو المعروف بانه شيخ العضيان رفض الضيط ان يسمح للذويبي بالمرعى لانه حصل قبل قصه وذبح الذويبي الضيط شيخ العضيان الاول وبعدها قام الذويبي بجمع قبيلته وهم بني عمرو من قبيلة حرب وقال انا سوف اطلب العاني من الروازن وهم شيوخ الحزمان وهم حمدان بن رازن واخيه ناصر بن رازن وفعلا طلب الذويبي الروازن بان يسمحو له بالمرعى وسمح حمدان بن رازن واخيه ناصر بن رازن للذويبي بان يرتعي هو وقبيلته حتى استمر الذويبي مايقارب شهرين ونصف في المرعي وبعدها رحل الذويبي وجماعته الى ديارهم وبعدها سمع حمدان بن رازن واخيه ناصر بن رازن صياح شديد يثير الشر و اذا بها سفراء العضيانيه جارة الروازن والحزمان قامت ودخلة علي حمدان بن رازن واخيه ناصر بن رازن قالو وش العلم يامره قالت الذويبي وجماعته اخذو البل من عندي بالقوه وسكت شوى حمدان وقال اذهبي الى اميركم الضيط وقالت لارايد الضيط وقال اذهبي للشغار امير الدماسين قالت لان اتعداكم انا جارتكم وقال ناصر بن رازن وش هذا الكلام ياحمدان ادخل الحرمه وحنا منجين الدخيل في الماضي والحاضر ياحمدان و ادخل ناصر بن رازن واخيه حمدان بن رازن سفراء العضيانيه وبعدها قال حمدان بن رازن وش السواه ياناصر قال ارتح ياحمدان وانا اكفيك الامور وفي احدى الايام قام ناصر بن رازن بالنزول باباعره وهي ابله بجوار الذويبي وقد سمع ناصر بن رازن ان شجاع بن عواد الذويبي ذاهب الى قرية الدوادمي لكي يتسوق وجمع ناصر بن رازن قبيلته واخيه حمدان وقال سوف نطرح الذويبي ونقيده وناتي به على شبيرمه وفعلا قام ناصر بن رازن وجماعته بطرحه وتسليمه لاخيه حمدان بن رازن اخيه الاكبر وبعدها امر حمدان بن رازن واخيه ناصر بن رازن بربط الذويبي بالسلاسل وقام بذالك جماعه من الحزمان ومنهم سهل الحزيمي وقال حمدان واخيه ناصر طردك الضيط ويوم انك جيتنا ادخلناك العاني وتغزي جيرانا وتاخذ اباعرهم يالذويبي وقالو اذا ماجبت البل وهي اباعر سفراء العضيانيه لن نفكك من السلاسل ولن نطلق سراحك سوف تستمر عندنا معزز ومكرم وعلى الشحم وعلى الشداد حتى ترجع اباعر العضيانيه وقال الذويبي كيف اردها وهي موزعه على حرب ناقه ناقه وقالو الروازن الوكاد انك معزز عندنا ومكرم لين ترجع البل واخذ الذويبي مايقارب سنه وشهرين وهو على الشحم والهيل عند حمدان وناصر والذويبي دائمآ ينخا قبيلته حرب وهم بني عمرو بان يردو البل الي الروازن لكي يسلموها الى اهلها وفي احدي الايام جاء رجل من الحلايمه من الحزمان وقال للذويبي انا اللي طرحتك وحطيت الحديد في رجلينك وضحك الذويبي ضحك شديد وقال هذه الابيات :
يابن حليمه وش بلاني بشرك ...........وش اودعك تبحث علي العلومي
خل العلوم ال ناطحين المضره ..........والا انت شاوي تحوش البهومي
ويقصد بناطحين المضره حمدان بن رازن واخيه ناصر بن رازن
وفي احد الايام يشهدون ابل تتوجه اليهم وهي ابل غريبه ولما سمع هذا الخبر الذويبي قال هم قبيلتي وجماعتي ردوا الابل وفعلا هي البل وتم تسليمها الي حمدان بن رازن واخيه ناصر بن رازن وبعدها اكرمو الروازن قبيلة حرب واطلقو سراح الذويبي وهو يقول لااريد ان ارحل من عندكم لما راه من تقدير واحترام وكرم له وقال انتم عزيتوني على الشداد والهيل والشحم وودعهم الذويبي وقبيلته وقام حمدان واخيه ناصر بن رازن بتسليم اباعر سفراء العضيانيه اليها وانتهت القصه .
حصلت على هذه القصه من زميلي نواف الحزيمي .
تحياتي سعود الحزيمي