اقتباس:
المشاركة الأصلية كتبت بواسطة زياد الشطيطي
كم ودنا ضمد الجروح ولا نبا نزف الجروح = وانا اكتشفت ان الجروح تزيد من جرّاحها
وده يعالجها ويلقى فالجريح انفاس روح = ويوم اكتشف وليا البشر فالطب هتك ارواحها
فأحلامنا نبني على هامات مبنانا صروح = وليا التقينا ناتج الجمعه طوال صياحها
لاصرت ماني في بني عمي على الزله دموح = راحة ضميري في محلي خير من مرواحها
يالقدر ابو كاتم تعلمنا الصبر لوك تفوح = النار من تحتك ومن فوقك سنا ملفاحها
في دبرتك هاذي تذكرني طويلين الشبوح = اللي ماهي ليات حاجه تلتفت لسلاحها
ولا الذي لدنات حاجه تعترض سده يبوح = ماهو بقد اللازمه لو قال انا نطاحها
واكبر دليل انه على اللي ماتعد اصبح نطوح = ماشام ضمن الحايمات اللي ترف جناحها
ولا جيت لي في مجلسٍ فيه الخطا سمي مزوح = اصد وألهي يديني في خرز مسباحها
ولا فجوج الله وساع ولاني بمجبر انوح =بالذات لامن صار مالي درب في منصاحها
الحلم عرفٍ فالرجل والصبر جسرٍ لطموح = واللي حواهن حقق احلام الزمن وارباحها
ولا هو بكيفك تجبر العالم على رايك تروح = لناس فكر وتقتنع وشلون تجنى امداحها
قلوبنا مع بعضها لو ان ميزتها الوضوح = ما كان كسرنا فعول سيوفنا بأرماحها
اللي يبا يركب سفينة نوح ؟ يرضي رب نوح = بعض القفول قفول ما تقبل سوا مفتاحها
|
القصيده كلها جزاله ومن شعور صادق وأمر ملموس في مجالسنا اليام هاذي بكثره وصح لسان الشاعر وفى وكفى وسلمت يمينك