[ولدعساف]

المشاركة الأصلية كتبت بواسطة الجـذع

السلام عليكم ورحمة الله وبركاته


أقدم لكم هذه المساجلــه بين الشاعر عبدالله محمد الجـذع وبين الشاعر متعب الدلبحي

قـبل 25 عـاماً



يقـول الشاعر متعب :

سر ياقلم وأكتب على الخط تعبير=تعبير رجــلاً مايحب الهزالي
في راس رجماً من طوال الشناصير=رجماً بديته يوم مال ضلالي
وقامت تصافقني هبوب المعاصير =وطرا عليّه ياجذع ماطرالي
وعلى الغصون المايله غرّد الطير=وذكّر عليه بالغنا مامضالي
ذكّر علي أوصااف سيد الغنادير=راعي جديلاً فوق الأرداف مالي
بيني وبينه يالسنافي نواطير=قوماً تحداني وأنا ضاق بالي
لو أن خلّي ياجذع بالدناانير=عطيت أهلها ماأملكه من حلالي
دونه حدوني بالسلاح المناعير=وأنا وحيد وحطّم الحب حالـي
أرجوك ترسلّي على الزرف تفسير=والأ تعذر ياكريم السبالي

فرد عبدالله محمد الجذع عليه هذه الأبياات :

يامرحبا بالخط حشمه وتقدير=اللي كتبه الدلبحي وأشتكالي
عديت يامتعب وحصّلت تأثير=وأتعبت حالك يالمعنّى وحالي
قدامك أبو زيد فالحب وعمير=وعان الدجيما ماات من حب غاالي
حتى طميّه من كشب شدّت عصـير=راحت تدور خلّها فالشمالي
وأنا بعد شكواك يابن المشاهير=طشّيت عنّي غترتي والعقالي
وناديت للي فالمواقف جبابير=مروين حدّ مرهّفات السلالي
أبشر بآلاد عسـاف هيف الطوابير=يردون حوض الموت ورد الجمالي
معك على من قام ضدّك بواتير=ناطا على هاماتهم فالرمالي
واليا هزمنا عنك كل الجماهير =أمسك عشيرك وأسرْ به لا تبالي
وصلاة ربي عدّ نبت النواوير=على نبياً ماشياً بالعدالي

أتمنى أن تنــال على أعجـــابكم

صح لسان متعب الدلبحي وصح لسان عبدالله الجـذع , لاهنت ع النقل !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها