[سعود العصيمي]

السلام عليكم ورحمة الله وبركاته
تواصلآ معكم بهذا القسم
اشاركم بأبيات جديده تعبر عن مااكنه من تقدير واحترام لرجل
يستاهل اكثر ممانقوله فيه بكثير الا وهو
الشاعر العملاق / مقعد بن محمد الدغيلبي العتيبي.

سلام الله سلام ٍ بالوفاء لاهل الوفاء معدود = سلام ٍ بالوفاء لاهل الوفاء معدود ومعطر.
معطر له بمسك وعاد ومعطر من الكمبود = ومدهون ٍ بريح العود والريحان والعنبر.
يخص الصاحب اللي صحبيته ترفع مقامك زود = صحيب ٍ صحبته طول الزمن تمشي على مقطر.
على مقطر مسيره فالليال اللبيض والا السود = على طول الزمن يمشي على مقطرّ مايفتر.
عريب الساس والمجنى حميد بسعيه المحمود = طويل ذراع ماينصاع في وقت اللقاء والشر.
صليب الراس ماينقاس لاراحت لقدح زنود = لياراحت لقدح زنود مايعرف حلا من مر.
شجيع ٍ يطبخ راسه شجاعه والرجال شهود = كريم بالكرم يكرم كريم ويشرح الخطرّ
هذا طبعه وهاذي سهمته من راس ابوه العود = وراثه من على الجدان ياكم يذبح وكم ينحر.
ابو فيصل ابن منعر ابن راع الوفاء والجود = على مااقول انا المسئول هذه بصمة المحظر.
عسى ربي يطوّل في حياته في فرح وسعود = ويبقى ذخر لعتيبه ويسلم من وجيه الشر.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.