[فارس المورقي]

وش المشكلة اذا اخطاء شاعر في القافية

ياكثر مايخطي الجبرتي والمسعودي في قوافيهم وياكثر الشعار الي يكررون بعض الكلمات الي سرت

هذي محاوره ماهي لعبة عظيم في ساري في الغداري

الشعار يلعبون في الملعبه على مبدأ ناقشني وناقشك اقنعني واقنعك امتع الجمهور بأبياتك اطربني

بمعانيك وطريقة حبكك وسبكك لها

اذا حصل خطأ في قوانين اللعبه وش المشكلة تحصل كثير هي ماهي مباراه وفيها حكم عند كل خطاأ

ولا تسلل يصفر ويوقف اللعب

طعم المحاوره في تلقائيتها وبساطتها التكلف في التحليل والتدقيق وكأنها مباراة كورة قدم على نهائي

هذا يخرب طعمها ويقتل روحها

لو كل شاعر محلل بحلل الابيات الي صارت هذه مثل تحليل ابو فايح كان صاروا نص شعراء الساحه

عباقرة مقالب ومعاني .. لان الصدف تجي كثيره والي بدقق بطلع لين يشبع , والشاعر والله مايدريها ولا جات في باله


المحاوره هذه جميلة جدا وكلهم ماقصروا واذا فيهم مبدع فهو سوار الذهب

طريقة سبكه للبيت اقوى من العازمي طبعا فارق الخبره والتجربه لها دور كبير

آخر تعديل فارس المورقي يوم 27-Jul-2010 في 04:32 AM.