[المفضلي]

اجيب لك واحد مطيري يعني يشهد ويقسم بان ابن جبرين ماشرب فنجال ابن هندي !!
ويكون بالعلم ابن رشيد كان في وقتها ملك وحدود مملكته من الشمال الى اقاصي شرق المملكة واذا تحتاج بعد لتثبيت وطرف محايد اقر قصيدة ابن حثلين برده على حمود .. من الشام ... لحدود عُمان __ ماهو انا يالضيغمي انت اميره ,,

والي شرب فنجال ابن هندي من عبيد بن رشيد .. ولاتوجه السؤال لي مره ثانية لاني ماكنت بقوله بس هذي الحقيقة وهو الي قتل في هذاك اليوم وابن هندي ماهو حي الله هذا صميدع من اسود الجزيرة العربية وامثاله شيوخ القبايل الي بهم طيب ونقاء وشجاعة وتراهم اصدق منا وانقى منا بسرايرهم وظواهرهم

وانا هنا ماني بصدد احضار الشهود القصه كلها مختلقه اذا الادارة حذفتها فهذا الي المفروض يصير لان الكلام الغير صحيح ماله مكان في مكان محسوب على قبايل العرب منتدى الهيلا

ولا هو من باب العيب والعار ان يقتل ابن جبرين بمسدس وبالتعاون من 3 من كبار شيوخ عتيبه هذا شرف لابن جبرين بس الحق يقال وانا اخوك القصه هذي غير صحيحه

وانا ماراح ارجع وارد هنا لو حتى بقى الموضوع ماهو مهم المقصد انه غير صحيح ولا هو ابن جبرين الي شرب فنجال ابن هندي

وهذا العلم اذا تبي تصدقه واذا جايز لك فهذا شانك

والسلام عليكم ورحمة الله وبركاته

آخر تعديل المفضلي يوم 23-Jul-2010 في 04:41 PM.