.
الا يا وجودي وجد عـود عليـه ديـون = ولا له على الدنيـا رفيـق عضيـد لـه
يشد العزم مـا ود ان العـرب يوحـون = وهو والله انـه بالحشـا ينـس العلـه
سريع القرا للضيف ماهوب يرضى الهون =.لكن الزمـان الشقلبـي صـار ضدلـه
وجودي وجوده يوم فكرت في ذا الكـون = وشفـت اختـلاف الاوضـاع مختـلـه
تذكـرت وقـت للبـداوه علـى قانـون = قوانين بدو تشفـي الصـدر مـن غلـه
لهم صوله وجوله وكل العـرب يـدرون = ولا منهم اللي عـاش بالغبـن والذلـه
يا جعل يسقى يوم عـاد البـدو يـردون = علـى العـد والـوراد يسقـي بدلولـه
نشوف العـذارى بالمقانـع والمقـرون = وقدر تحويلـه علـى الـراس وتشلـه
وياجعل يسقى يوم عـاد البـدو ينـدون = .بروس المضامي في حميض وفي خلـه
ولا يذكر الراعي ولا سقـس ابوغليـون = بداوه بـداوه رغبـت القلـب ودوى لـه
وياجعل يسقى قبل وسط القـرى يبنـون = قبل مانعـرف مخطـط السـور والفلـه
ويا جعل يسقى يوم بيت الشعر مصيـون = كبير الرفاف اللي زها الحجـب والخلـه
تغير وبدل عقب ما هـو عديـم اللـون = وحطو كارافانن علـى سطحتـه سلـه
للشاعر فالح الخنفري
| التوقيع |
قال الشافعي رحمه الله: أركان الرجولة أربع: الديانة والأمانة والصيانة والرزانة.
قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.
اللهم أنصر من نصر الدين وأخذل من خذل الدين |