العمده =
سلام الله سلامً ما يكفي له ميـة ترحـاب=اقوله عن رجال الطيب من روقي وبرقاوي
عطيت العود عام العام كلمة واحسبنه تاب=لكنه ظل مع ريع الندامة سارح وضـاوي
النشمي =
هلا يامرحبا مليون في مليون بالاصحـاب=هلا عن مرجع اعتابه رجالاً تردع الغاوي
ترى حنا خوال المصطفي ومسيلمه كـذاب=لكن احسب حسابك زين قبل اطيح متساوي
العمده =
هذاه القول قوله يا عويد السيل للاجنـاب=ترى الوبال ما تصفط لمثله وزعة الشاوي
ابو زيد الهلالي لا يفاخر في وجود ذياب=ونعطيه العلوم اللي رواها حضرة الراوي
النشمي =
عويد السيل عرفه يقنع الشبـان والشيـاب=سرى ليلي وليلك ليـل يامـردود ياحـاوي
على مهلك توقع قبل احطك بين ضرس وناب=معي ميسم دواء للي بكبـده يونـس الاوي
العمده =
كتاب الله .. شبيب يدرسه تدريس يا شباب=قبل تضنى وتفرح فوقنا زيدي وبرمـاوي
ترى ما قدمك الا النار ياللي تفتل الاشناب=وانا ابا ارحمك مار النار لا ترحم ولا تاوي
النشمي =
تقوله يارعد وانته تقلب مثـل ولـد الـداب=وترى كلمتك ماينطق بها هنـدي ولا جـاوي
ليا ماجابك الطيب نبـا نرضيـك بالمشعـاب=على البيداء مصير اللي يطيح من السما هاوي
العمده =
على نهج الرجال الوافية صاحبك فالمرقاب=لكن الله على اللي للطلايب والنشب ناوي
ليا منا رجعنا نحسب العمـدان والاطنـاب=يبا يبلش بعيرً طول عمره فالثرى ثـاوي
النشمي =
ياسواق السفينه فالبحر لاتغرق الركاب=ويصدر لك قرار القيد مع طلال عنقاوي
بعد ماجابك الله بين ذاك الباب والمحراب= تريح لا تقرب ظلع نجد وذيبه العاوي
العمده =
لك الله ما احتزمنا الا عشان نحارب الارهاب=ونقطع دابر اللي ينتقص مـن كـل هيـلاوي
سماء نجد العذي ما حامه الا الطير ابو مخلاب=ومخلابيه واحد جـرح والثانـي بـه يـداوي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|