لون من فارقه خلـه يجيـه اجلـه
لنكان اناميـت لـي عـدة اسنينـي
من سبت الي هجرني بعد موهجلـه
نارن توهـج علـى دم الشرايينـي
مثل توهج مصاف ابقيـق ودرجلـه
حقلن ورا سعد حول اميه وعشريني
ناره تسارج وبيـره عينهـا خجلـه
ولاهوب لواشتريـه اظـن مغنينـي
عن مترفن كنت اجي من ديرتي لجله
وجيله اول مجـي وكـب الادنينـي
وهوه لياجيت جاني خاطفن رجلـه
ويقول ليتك كثـر مغليـك تغلينـي
مايدري اني بغيت العـام احججلـه
شيخن من الي يئمـون المصلينـي
من كثر مغليـه جعـل الله يفرجلـه
ابيـه يرتـاح ف دنيـا وفديـنـي
المترف الي حنايا الجوف مدهجلـه
لايحسبنـي نسيتـه كـان ناسينـي
لاولذي كون الكـون ونهـر دجلـه
ماغيرتني سنيـن العسـر والينـي
على وليفـن ليـا طـروه ترهجلـه
كل المشاعر وعنه البعـد حادينـي
وكملي ونا اقول ابنهجله ولانهجلـه
الجـادل الـي يكفينـي ويكفيـنـي
الياتذكـرة مبسمـه وهـدب نجلـه
ذكرتلي قصتن فـي عـام تسعينـي
ذكرت يومني اسكـر قفـل حجلـه
علـى ذراعـه بيسرايـه وبيمينـي
في موقعـن لايهرجنـي ولاهرجلـه
خوف من الناس توحيها وتوحينـي
ومقالت الى تراء جيتك ونا عجلـه
وحطة يديها من الهفه على يدينـي
وراحت من الود منداشه ومندجلـه
مغـار سنتهـا لاطيـح ياعيـنـي
ونا من الشوق قلبي قـام ينتجلـه
فرايـدن ماقنوهـا اهـل الملايينـي